ស្មាតហ្វូនក្រាស់មាំ ចេញថ្មី តម្លៃតែ 299ដុល្លារ មានមុខងារ Night Vision លើកាមេរ៉ា

ក្រុមហ៊ុន​ផលិត​ស្មា​ត​ហ្វូ​ន​របស់​ចិន យីហោ Doogee ដែល​គេ​ដឹងថា តែងតែ បញ្ចេញ​ស្មា​ត​ហ្វូ​នក្រាស់ៗ មាំៗ មាន​សមត្ថភាព​ខ្ពស់ មិន​ងាយ​ឆ្កូត ឬ​ច្រើន​មាន​គេ យកទៅ​ប្រើ នៅក្នុង​ការដ្ឋាន​សំណង់ធំៗនោះ  ថ្មីៗនេះ បាន​បញ្ចេញ​ម៉ូ​ដែល S96 Pro ថ្មី និង​បានប្រកាស​ចេញលក់ នៅលើ​វេ​ប​សាយ AliExpress ក្នុងតម្លៃ​តែ 299ដុល្លារ​ប៉ុណ្ណោះ។

កាមេរ៉ា​ក្រោយ 4គ្រាប់​របស់​វា ទី1 មាន​ទំហំ 48 MP f/1.8 និង 1ទៀត បំពាក់​ដោយ​សិន​ស៊ើ​រ 20 MP ឯ 1គ្រាប់​ទៀត​ទំហំ 20 MP សិន​ស៊ើ​រ Sony IMX350 ultra ជាមួយនឹង infrared lights ប្រភេទ night vision មាន​តួនាទី អាច​ថត​ពេលយប់​បាន និង​មាន​ភ្លើង LED ទៀតផង។ កាមេរ៉ា​ម្ខាង​ទៀត​ទំហំ 8 MP ultrawide ជាមួយនឹង​លេន​ស៍ 130-degree field-of-view និង 1ទៀត ជា​កាមេរ៉ា​តូច​ជាងគេ  2 MP macro សិន​ស៊ើ​រ។

មុខងារពិសេសៗរបស់​ស្មា​ត​ហ្វូ​ន ប្រភេទ​ធន់​មាំ 1នេះ គឺមាន​កម្រិត​ការពារ​ទឹក IP68 និង IP69K ឯ​ភាព​ធន់​លេខ MIL-STD 810G អាច​យកទៅ​ពិសោធ ដោយ​ការទម្លាក់​ចូលទៅ​ត្រាំ​ក្នុង​ទឹក​ជម្រៅ 1,5ម៉ែត្រ បាន​ក្នុង​រយៈពេល 30នាទី និង​ជាពិសេស​អាច​ទ្រាំ​នឹង​ទឹក​ជ្រៅ​បំផុត 5ម៉ែត្រ ក៏​នៅតែ​អាច​យកមកប្រើ​ទៀត​បានដែរ។

Advertisement

Doogee S96 Pro ដំណើការ​ដោយ Android 10 មាន​ថាមពល​ថ្ម​ធំ ដល់​ទៅ ៦៣៥០ mAh ចេញមក​ព្រមជាមួយ​ឆ្នាំង​សាក Fast charge បញ្ចូលភ្លើង 24W ទៀតផង។

សម្រាប់ Specs(លក្ខណសម្បត្តិ) វិញ​គឺ​ប្រើ​ឈី​ប Media Tek Heilo G90 មាន RAM 8GB/128 មេម៉ូរី អាច​ថែម​កាត​ក្រៅ​បាន និង​អេក្រង់​ប្រភេទ touch screen មានមុខ​ងារ​ស្គែ​ន​ដៃ​ដោះ​សោរ ឬ​ស្គែ​ន​ផ្ទាំ​មុខ​បាន ជាមួយនឹង​កាមេរ៉ា​មុខ 1គ្រាប់ រចនា​ឡើង​បែប​ដំណក់ទឹក។

គួរ​រំឭក​ផងដែរ​ថា ប្រភេទ​ស្មា​ត​ហ្វូ​ន​រឹងមាំ តម្លៃ​ធូរ​ថ្លៃ ក៏មាន​ច្រើន​ម៉ាក​ដែរ ដូចជា Blackview, Ulefone, Homtom, Cat, Zebra, AGM និង Vernee ដែល​ទាំងអស់នោះ​សុទ្ធតែធន់ៗ មាំៗ កម្រិត​ខ្ពស់ ដោយមាន​ខ្លះ អាច​ធ្លាក់​ពី​ជណ្ដើរ​ខ្ពស់ ក៏​មិន​បែក​អេក្រង់​ទៀតផង៕

Doogee S96 Pro rugged smartphone launches with infrared night visionDoogee S96 Pro rugged smartphone launches with infrared night vision

Advertisement