YouTube អាប់ឌែតថ្មី នឹងដាក់ Ads លើឆាណែលតូចៗ តែម្ចាស់ឆាណែលមិនបានលុយទេ

YouTube បានធ្វើការ​កែសម្រួល​លក្ខខណ្ឌ នៃ​សេវាកម្ម​របស់ខ្លួន ដោយបាន​បញ្ចូល​ផ្នែក​ថ្មី​មួយ​ផ្ដល់​សិទ្ធិ​ឱ្យ YouTube  ក្នុងការ​ស្វែងរក​ចំណូល​ពី​គណនីតូចៗ ដែល​មិនទាន់បាន​ក្លាយជា​សមាជិក​នៃ Partner Program។

ច្បាប់​ថ្មី​នេះ នឹង​អាចឱ្យ YouTube ដាក់​ផ្ទាំង​ពាណិជ្ជកម្ម លើ​វីដេអូ នៃ​គណនី YouTube តូចៗបាន ប៉ុន្តែ​មិន​មានន័យថា គណនី​ទាំងនោះ​អាច​ទទួលបាន​ចំណែក​ភាគលាភ ពី​ចំណូល​បាន​ពី​ផ្ទាំង​ពាណិជ្ជកម្ម​នោះទេ។ ដូចនេះ​នៅលើ​វីដេអូ នៃ​គណនី YouTube តូចៗ អ្នកនឹង​ឃើញ​មាន​លោត​ផ្ទាំង​ពាណិជ្ជកម្ម មិន​ខុសពី​គណនីធំៗនោះឡើយ។

ដើម្បី​អាច​ចូលរួម​ក្នុង​កម្មវិធី YouTube Partner Program បាន ម្ចាស់​គណនី YouTube មួយ រស់នៅក្នុង​ប្រទេស​ដែល​ខ្លួន​បានកំណត់​លើ YouTube, ត្រូវមាន​ចំនួន​ទស្សនា 4ពាន់​ម៉ោង ក្នុង​រយៈពេល 12ខែ ចុងក្រោយ និង​មាន Subscriber ចាប់ពី1ពាន់​នាក់​ឡើង៕

Advertisement