ស្មា​ត​ហ្វូ​ន Mi 11 របស់ Xiaomi ប្រើពេល​ត្រឹមតែ 5នាទី​ប៉ុណ្ណោះ លក់បាន​ជាង 35ម៉ឺន​គ្រឿង

ក្រុមហ៊ុន Xiaomi អាច​លក់​ស្មា​ត​ហ្វូ​ន Mi 11 បាន​ជាង 35ម៉ឺន​គ្រឿង ដោយ​ប្រើពេល​ត្រឹមតែ 5នាទី ដែល​គិត​ជា​ទឹកប្រាក់​វិញ គឺ​លើសពី 1.5ពាន់​លាន​យន់ (ឬ​ប្រមាណ 230លាន​ដុល្លារ)។

ក្រុមហ៊ុន បានចាប់ផ្ដើម​បើក​ការលក់​លើកដំបូង​ក្នុងប្រទេស​ចិន ដែល​ទទួលបាន​ជោគជ័យ​ខ្លាំង​បំផុត  កាលពី​ថ្ងៃទី1 ខែមករា ឆ្នាំ2021 កន្លងទៅ។

Xiaomi ទើបនឹង​បង្ហាញ​រូបរាង​ស្មា​ត​ហ្វូ​ន Mi 11 ជា​ផ្លូវការ​កាលពី​ចុងឆ្នាំ2020 កន្លងទៅ ជា​ស្មា​ត​ហ្វូ​ន​ដំបូង​គេ​ក្នុង​លោក ដែលមាន​ប្រើប្រាស់​បន្ទះ​ឈី​ប Snapdragon 888 របស់​ក្រុមហ៊ុន Qualcomm និង​មាន​បង្កប់​បច្ចេកវិទ្យា​ស្គែ​ន​ចង្វាក់បេះដូង​ថែម​ទៀតផង។

Advertisement

លក្ខណសម្បត្តិ​របស់ Mi 11 មាន​ថ្ម​ទំហំ 4600mAh, អាច​សាក​ថ្ម​កម្លាំង 55W និង​សាក​ដោយ​ឥត​ប្រើ​ខ្សែ​កម្លាំង 50W ។ ប្រើប្រាស់​អេក្រង់ AMOLED ទំហំ 6.81អ៊ី​ញ ដែលមាន​កម្រិត​បង្ហាញ 2K និង​មាន Refresh Rate 120Hz។ វា​មាន​កាមេរ៉ា​ក្រោយ 3គ្រាប់ ដែល​កាមេរ៉ា​មេ ទំហំ 108MP, កាមេរ៉ា Ultrawide ទំហំ 13M, កាមេរ៉ា Macro ទំហំ 5MP, កាមេរ៉ា Selfie ទំហំ 20MP និង​មាន​ជម្រើស RAM ទំហំ 8GB ឬ 12GB ជាមួយ​អង្គ​ផ្ទុក 128GB ឬ 256GB ។

Xiaomi mi 11 ជម្រើស RAM 8GB និង​មេម៉ូរី 128/256GB និង 1ទៀត គឺ RAM 12GB មេម៉ូរី 256GB និង​ដាក់លក់​ក្នុងតម្លៃ​ប្រមាណ​ជា 610ដុល្លារ៕

Advertisement