ក្នុងព្រឹត្តិការណ៍ CES 2021 ក្រុមហ៊ុនទាំងអស់ ដែលមានឈ្មោះចូលរួម បានបញ្ចេញ Prototype (គំរូ) ផលិតផលរបស់ខ្លួន។ ជាក់ស្ដែងក្រុមហ៊ុនផលិតគ្រឿងអេឡិចត្រូនិកធំបំផុតមួយ របស់កូរ៉េខាងត្បូង LG បានបញ្ចេញឱ្យឃើញ នូវគំនិតច្នៃប្រឌិតថ្មីសន្លាងមួយគឺ គ្រែគេងឆ្លាតវៃ ភ្ជាប់ជាមួយនឹងអេក្រង់ហូតឡើងបញ្ជាដោយសំឡេង ហាក់បីដូចជានៅក្នុងខ្សែភាពយន្តហូលីវូដដូច្នេះដែរ។
លោក Jong-sun Park ជាអនុប្រធានផ្នែកផលិតអេក្រង់របស់ LG បានបង្ហាញចំណាប់អារម្មណ៍ថា៖ “ជាមួយនឹងផលិតផលនេះ វាអាចឱ្យយើងរីកចម្រើនទៅមុខ ទៅកាន់ជំនាន់ចុងក្រោយនៃអេក្រង់ ដែលយើងមានលទ្ធផលគ្រប់គ្រាន់ ក្នុងការផ្លាស់ប្តូរបែបផែននៃការផលិតអេក្រង់”
សូមជម្រាបជូនផងដែរថា អេក្រង់ទំហំ 55អ៊ីញ ត្រូវបានគេចាប់អារម្មណ៍ខ្លាំង ព្រោះមានតួនាទី ដូចនឹងអេក្រង់កុំព្យូទ័រ នៅចុងជើងរបស់យើងតែម្ដង ពេលមុន ឬក្រោយក្រោកពីគេងមក អាចបញ្ជាបាន មិនចាំបាច់រង់ចាំយូរឡើយ។ មកទល់ពេលនេះ មិនទាន់មានព័ត៌មានច្រើន អំពីគ្រែគេងដ៏ទំនើបមួយនេះនៅឡើយ៕
