Telegram ជាកម្មវិធីទទួលបានការទាញយកច្រើនជាងកម្មវិធីផ្សេងៗទាំងអស់ក្នុងលោក ប៉ុន្តែនៅក្នុងស្ថិតិរបស់គេនោះ គឺមិនគិតបញ្ចូលកម្មវិធីហ្គេមទេ។ នេះបើយោងទៅតាមរបាយការណ៍ពីទិន្នន័យ Sensor Tower ដែលគិតត្រឹមខែមករា ដើមឆ្នាំ2021។
គួរបញ្ជាក់ដែរថា ចំនួននៃការទាញយកកម្មវិធីទាំងអស់ គិតទាំងនៅលើ Play Store និង App Store សរុបទៅ Telegram ទទួលបានអ្នកទាញយក ដល់ទៅ 63លានដង ច្រើនជាងចំនួនទាញយកកាលឆ្នាំមុន ដល់ទៅ 4ដងឯណោះ។
ទិន្នន័យដដែលបានបង្ហើបឱ្យដឹងថា ប្រភពធំនៃចំនួនទាញយកកម្មវិធីខាងលើ គឺនៅក្នុងប្រទេសឥណ្ឌាតែម្ដង ដោយគិតទៅ គឺប្រមាណជា 24% ឬជាង 15លានដង ក្នុងចំណោមចំនួនទាញយកទាំងអស់៕
Advertisement
