តាមរយៈបណ្ដាញទំនាក់ទំនងសង្គមហ្វេសប៊ុករបស់តារាចម្រៀងប្រចាំផលិតកម្មថោន លោក ករុណា ពេជ្រ នៅប៉ុន្មានម៉ោងមុននេះបន្ដិចបានឱ្យដឹងថា ស្ថានភាពជំងឺឪពុកលោកបានធូរស្បើយ និងបានដឹងខ្លួនមកវិញ តែនៅមិនទាន់អាចនិយាយបាន និងកម្រើកខ្លួនបានឡើយ នេះបើតាមការបង្ហាញពីវីដេអូរបស់តារារូបនេះ បានបង្ហោះនៅលើហ្វេសប៊ុក។
លោក ករុណា ពេជ្រ បានរៀបរាប់ជាសារឱ្យមហាជនបានដឹងថា « មកលា ប៉ា ស្អែកទៅធ្វើការ នៅ កុងតឺណឺ សៀមរាប ស្តាតចាស់…ពេលលាប៉ា ប៉ា បែកភ្នែកធំៗ ហ្មង…ប៉ា ត្រូវប្រឹងឆាប់បានទៅផ្ទះវិញ ហើយដើម្បីកំលាំងចិត្តដល់កូន បន្តទៀត…»។ យ៉ាងណាមិញ ទឹកចិត្តរបស់កូនប្រុសកត្តញូរូបនេះ ដែលតែងតែនៅមើលថែលោកឪពុក បើទោះបីជាមានការងារមមារញឹកជាច្រើននោះ លោកបានបន់ស្រន់សូមសេចក្ដីសុខមានដល់លោកឪពុកថា « ការងារ និង មនោសញេ្ចតនា … ទោះបីយ៉ាងណា ក៏កូនដឹងអារម្មណ៏ប៉ា កំពុងជូនពរកូន ព្រោះឱ្យតែពេលកូនចេញទៅធ្វើការឆ្ងាយពីប៉ា….!!! សៀមរាប កុងតឺណឺ យប់នេះ »៕
