តាំងពីខែតុលា ឆ្នាំ 2018មក បទចម្រៀងជាង200បទ របស់បេក្ខជន ជិត200នាក់ ដែលបានផ្ញើរមកកាន់កម្មវិធីស្នាដៃកូនខ្មែរ ត្រូវបានជម្រុះបន្តបន្ទាប់រហូតដល់វគ្គ5បទចុងក្រោយនេះ។ បទចម្រៀងនីមួយៗតម្រូវឱ្យមហាជនវាយតំលៃ នៃកម្មវិធី”ស្នាដៃកូនខ្មែរសម្រាប់មាស សុខសោភា” បោះឆ្នោតឱ្យ តើបទណាពិរោះជាងបទណា ហើយបទណានិងទទួលបានជ័យលាភី។
ដោយឡែកម្ចាស់ជ័យលាភីលេខ១បានទៅបទព្រោះគេមនុស្សដំបូង និពន្ធដោយបេក្ខជនមកពីខេត្តខេត្តកណ្តាល ងឿយ ប៊ុនរត្ន័ (Ah Roman) ជ័យលាភីលេខ២បានទៅបទខ្ញុំកំពុងឈឺ និពន្ធដោយ បេក្ខជនរាជធានីភ្នំពេញ ឆុន រ៉ាឆាត់ (Chhon Rachhat) ជ័យលាភីលេខ៣បានបទ ថ្ងៃជួបថ្ងៃព្រាត់និពន្ធដោយបេក្ខជនរាជធានី ភ្នំពេញ រិន ឆោមវីរៈ និង សំណាង ឧត្តម ជ័យ លាភីលេខ៤បានបទ នៅក្រមុំមិនបានដើរលេង និពន្ធដោយបេក្ខជនរាជធានី ភ្នំពេញ គង់ សំអន ជ័យលាភីលេខ៥បានបទ លង់ស្នេហ៍អ្នកបាត់ដំបង និពន្ធដោយបេក្ខជនខេត្តពោធិ៍សាត់ ស៊ឹម សុភ័ណ្ឌ។
សូមជម្រាបថា សម្រាប់បេក្ខជនជ័យលាភី ទទួលបានប្រាក់រង្វាន់ ចំនួន 4លានរៀល និងទទួលបានពានដែលច្នៃដោយកូនខ្មែរពីក្រុមហ៊ុនភេសជ្ជៈអូឡាតេ៕
