សុគន្ធ និសា ដាក់មនោសញ្ជេតនាខ្លាំងក្នុងបទ «អស់ពេលថ្ងៃស្អែក»

ការស្រឡាញ់គ្នា ការបាននៅក្បែរគ្នាយ៉ាងផ្អែមល្ហែមក្នុងរយៈពេលមួយថ្ងៃតាមរយៈខ្សែជីវិតមួយដែលធ្លាប់រួមសុខទុក្ខជាមួយគ្នា តែត្រូវប្ដូរផ្លាស់ទាំងស្រុងសឹងតែនឹកស្មានមិនដល់ និងបានបន្សល់ទុកនូវអនុស្សាវរីយ៍ដក់ជាប់នៅក្នុងកែវភ្នែករបស់សុ គន្ធ និសា។ កញ្ញាបានរៀបរាប់ថា ការបែកគ្នាបែបនេះគឺអូនមិនអាចទទួលយកបានឡើយ ហេតុអ្វីក៏ចាកចេញទៅ មិនបានលា មិនបានប្រាប់គ្នាមួយម៉ាត់សោះបែបនេះ ដោយកញ្ញាបានបញ្ជាក់ពីអារម្មណ៍ដែលឈឺចាប់ពោរពេញទៅដោយមនោសញ្ចេតនាសោកសៅធ្វើឱ្យអ្នកស្ដាប់លង់អារម្មណ៍តាមស្នេហាព្រាត់ប្រាសមួយនេះតាមរយៈបទ «អស់ពេលថ្ងៃស្អែក»។

ការប្រមូលផ្ដុំនូវអារម្មណ៍ស្នេហាមួយដ៏ជ្រាលជ្រៅមិនមែនជារឿងងាយស្រួលក្នុងការតាក់តែងចេញជាបទចម្រៀងឡើយ ដូច្នោះហើយទើបអ្នកនិពន្ធបទ “អស់ពេលថ្ងៃស្អែក” បានសរសេរប្រាប់ពីបទពិសោធស្នេហ៍បាក់បែកមួយដែលបានបាត់បង់ និងគ្មានថ្ងៃបានវិលត្រឡប់មកវិញ ដែលទោះជាថ្ងៃម្សិលមិញបានបន្សល់នូវអតីតកាលផ្អែមល្ហែមក៏ដោយ ក៏ថ្ងៃស្អែកមិនដូចថ្ងៃម្សិលមិញដែរ ហើយបទនេះដែរត្រូវបានសម្រួលតន្ត្រីដោយលោកមាសសុគន្ធ ហៅ អួយ របស់ផលិតកម្មរស្មីហង្សមាស។

Advertisement

ចង់ដឹងថា តើសុគន្ធ និសាដាក់មនោសញ្ជេតនាដល់កម្រិតណានោះ សូមមកស្ដាប់ទាំងអស់គ្នាដូចខាងក្រោមនេះ៖

https://www.youtube.com/watch?v=lQIiXc686lM

 

Advertisement