ភាពយន្តខ្មែរថ្មីរឿង «អន្ទាក់ស្នេហ៍» បានបង្ហាញវីដេអូខ្លី Trailer ផ្លូវការរបស់ខ្លួនហើយ ដោយភាពយន្តខ្មែរមួយនេះនឹងឆ្លុះបញ្ចាំងពីស្នេហាបែបស្រុកស្រែ ផ្សំនឹងការលើកឡើងនៃទីតាំងតំបន់ទេសចរណ៍ក្នុងប្រទេសកម្ពុជាដើម្បីបង្ហាញក្នុងរោងភាពយន្ត។
រឿង«អន្ទាក់ស្នេហ៍» និយាយពី បុរសចំណាស់ម្នាក់ដែលមានទ្រព្យសម្បត្តិ ស្តុកស្តម្ភ ហើយគាត់បានលង់ស្រលាញ់ឈ្លក់វង្វេង នឹងនារីដែលមានគូកំណាន់ចិត្តរួចទៅហើយ។ តាចាស់ចង់បានប្រពន្ធក្មេង មិនខ្លាចការរិះគន់ គាត់បានប្រើអំណាច ឥទ្ធិពលនៃទ្រព្យ និង ល្បិច កិច្ចកលសព្វយ៉ាង ដើម្បីយកនាងឱ្យខានតែបាន។
តើរក្សា ដែលសម្តែងដោយ តារាសម្តែង សុខ សុម៉ាវត្ដី និង ចៅពេជ្រ ដែលសម្ដែដោយ តារាសម្ដែង សន ពិសិដ្ឋ អាចឆ្លងកាត់ការបំបែកបំបាក់ ពីអន្ទាក់ស្នេហ៍ របស់បុរសចំណាស់នេះបានឬយ៉ាងណា? យើងនឹងដឹងចម្លើយគ្រប់គ្នាក្នុងរោងភាពយន្តខ្មែរ គ្រប់សាខានៅថ្ងៃទី20 ខែ កុម្ភៈ ឆ្នាំ 2020 ខាងមុខនេះហើយ៕
ទស្សនាវីដេអូ Trailer ខាងក្រោម៖
