តាមរយៈហ្វេសប៊ុកផេចរបស់លោក ហេង ឡុង កាលពីព្រឹកថ្ងៃទី27 មីនា ឆ្នាំ2020 មុននេះ បានបង្ហោះថា តារាហ្វេសប៊ុក អ្នកនាង ចោមច័ន្ទ បានបរិច្ចាគថវិកាផ្ទាល់ខ្លួនចំនួន1ពាន់ដុល្លារ ក្នុងការចូលរួមទប់ស្កាត់ដល់ជម្ងឺកូវីត19នៅកម្ពុជា។
អ្នកនាង ចោមច័ន្ទ មិនមែនជាមនុស្សមហាជនតែម្នាក់ ឬ ដំបូងដែលបានបរិច្ចាគថវិកាជួយដល់សង្គមនៅក្នុងស្ថានភាពនេះនោះទេ ប៉ុន្តែគឺជាគំរូមួយសម្រាប់អ្នកជោគជ័យអនឡាញន៍ដទៃទៀត ដើម្បីបំផុសឱ្យមានការចូលរួមជួយដល់សង្គមនៅក្នុងកាលៈទេសៈនេះ។
សារទាំងស្រុងរបស់លោក ហេង ឡុង បានសរសេរបង្ហោះថា«សូមគោរពអរគុណដល់អ្នកនាង ចោមច័ន្ទ (បងស្រី ដេននីក្វាន់) ដែលបានបរិច្ចាគទឹកប្រាក់ 1,000ដុល្លារ ដើម្បីចូលរួមទប់ស្កាត់ការរីករាលដាលជំងឺCOVID-19 តបតាមការអំពាវនាវដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា»។
ជាមួយគ្នានោះក៏មានការសរសើរផងដែរថា បើទោះជាអ្នកនាងជាមនុស្សមាត់ដាច និងរមែងមានអ្នកផ្ចាញ់ផ្ចាលជាហូរហែរ ប៉ុន្តែអ្នកនាងក៏មានទឹកចិត្តឈឺឆ្អាលដល់សង្គមគួរឱ្យសរសើរផងដែរ។
