លោក ឆាយ វីរៈយុទ្ធ និងក្រុមគ្រួសារ ជួយអង្ករ6 តោនដល់សិល្បករខ្មែរបាត់​បង់​ចំណូល

ខណៈ​ដែល​បាន​​ឃើញ​សិល្បករ​​ចាស់​ជរា និង​​អ្នក​សិល្បៈ​មួយ​ចំនួន​បាត់​បង់​ចំណូល​ដោយសារ​តែ​បញ្ហា​​កូវីដ19 កំពុង​តែ​វាយប្រហានៅ​កម្ពុជា​រួច​មក​ តារាចម្រៀងប្រចាំផលិតកម្មសាន់ដេ ឆាយ វីរៈយុទ្ធ និង​ក្រុម​គ្រួសារ​​ខ្លោច​ចិត្ត​អាណិត​​ពន់​ពេក​ទើប​មូល​មតិ​គ្នា​ផ្ដល់​អង្ករ​6តោន​​រយៈ​ពេល​3​ខែ​ដល់​ពួកគាត់​។

ជាមួយ​គ្នា​នេះ​ផង​ដែរ​លោក ហេង ឡុង បាន​ឱ្យ​ដឹង​ថា នេះ​ជា​ដំណឹង​ល្អ​មួយ​សម្រាប់​សិល្បករ​ចាស់​ជរា និង​អ្នក​សិល្បៈ​មួយ​ចំនួន​​ដែល​ខ្វះ​ខាត​ដោយ​សារ​តែ​បាត់​បង់​ប្រាក់​ចំណូល​ ព្រោះ​ពេល​នេះ​តារាចម្រៀង ឆាយ វីរៈយុទ្ធ និង​គ្រួសារ​​ដែល​ជា​ម្ចាស់​អង្ករ​ម៉ាក “ស្ដេចអង្ករ” ផលិត​ដោយ​រោង​ម៉ាស៊ីន​កិន​ស្រូវ​ ហាក់ សែ បាន​ជួយ​ឧបត្ថម្ភ​អង្ករ​ 6 តោន​រយៈ​ពេល​3​ខែ។ក្នុង​នោះ​ចំពោះ​សិល្បករ​ដែល​ខ្វះ​ខាត​ចំនួន​3តោន និង​ប្រជា​ពលរដ្ឋ​ដែល​ខ្វះ​ខាត​ចំនួន3 តោន​ខណៈ​ពេល​ដែល​ជំងឺ​កូវីដ​19 កំពុង​តែ​រាតត្បាត​នៅ​កម្ពុជា​។

នេះសបញ្ជាក់ឱ្យឃើញទឹក​ចិត្ត​ថ្លៃ​ថ្លា​មិន​អាច​កាត់​ថ្លៃ​បាន ខណៈ​ពេល​ដែល​ប្រជាជន​ខ្មែរ​ និង​អ្នក​សិល្បៈ​កំពុង​​តែ​ជួប​គ្រោះ​អាសន្ន​​ដោយ​សារ​ជំងឺ​កូវីដ​19 ​ បាន​ធ្វើ​ឱ្យ​មហាជន​ទាំង​ក្នុង និងក្រៅ​រង្វង់​សិល្បៈ​កោត​សរសើរ​លោក ឆាយ វីរៈយុទ្ធ និង​ក្រុម​គ្រួសារ​មិន​ដាច់​ពី​មាត់​ផងដែរ​ចំពោះ​សកម្មភាព​សប្បុរស​ធម៌​មួយ​នេះ៕

Advertisement