កូនស្រីតារាកំប្លែង នាយ ត្រដក់ ចងកសម្លាប់ខ្លួននៅក្នុងផ្ទះសំណាក់

មុននេះបន្ដិចនៅលើបណ្ដាញសង្គមហ្វេសប៊ុកមានការ Live ព្រោងព្រាតជុំវិញករណីកូនស្រីតារាកំប្លែងម្នាក់ បានចងកធ្វើអត្តឃាត។ ជារឿង​មួយ​គួរ​ឱ្យ​ភ្ញាក់​ផ្អើល​ដែល​កូន​ស្រី​រូប​ស្រស់​សោភា​តារាកំប្លែងនាយ ត្រដក់ ចងក​ធ្វើ​អត្តឃាត​ខ្លួន​ឯង​ទាំងថ្ងៃតែម្ដង ធ្វើ​ឱ្យ​ក្រុម​គ្រួសារ​​ក្ដុកក្ដួល​និង​សោក​សង្រេង​យ៉ាង​ខ្លាំង​ដោយ​មិន​នឹក​ស្មាន​ថា​កូន​ស្រី​​របស់​ខ្លួន​គិត​ខ្លី​ដូច្នេះសោះ។


បើ​តាម​​ហ្វេសប៊ុក​ឈ្មោះ​ ប៊ុន រឿនប្រុសស្អាតជ្រោយចង្វា បាន​បង្ហោះ​សារ​សរសេរ​រៀបរាប់​ដោយ​ភ្ជាប់​ជាមួយ​រូប​ថត​របស់​សព​ថា៖ “អាណិតពូ​ណាស់​ ! កូនស្រី​ តារាកំប្លែង​ នាយត្រដក់​ បាន​ចង់​ក​ធ្វើ​អត្តឃាត​ខ្លួន​ឯង​​ទាំង​វ័យ​ក្មេង​ មិន​គួរ​ណា​ប្អូន​គិត​ខ្លី​ហើយ​ដាច់​ចិត្ត​ទៅ​ចោល​លោក ពូ ត្រដក់ ដូច្នេះ​សោះ។ សូម​ឱ្យព្រលឹង​ប្អូន​ទៅ​កាន់​សុគតិភព”។ កូន​ស្រី​តារាកំប្លែង​នាយ ត្រដក់ ដែល​បាន​ចងក​សម្លាប់​ខ្លួន​នៅ​ថ្ងៃ​ទី30 ខែមីនា ឆ្នាំ 2020 នេះ​មាន​ឈ្មោះ វ៉ាន់ ដានីត អាយុ 32ឆ្នាំ រស់​នៅ​ភូមិ11 សង្កាត់​ស្រះចក ខណ្ឌដូនពេញ រាជធានីភ្នំពេញ។

សូមជម្រាបថា ចំពោះ​ការ​ចងក​ធ្វើ​អត្តឃាត​ខ្លួន​ឯង​នេះ​ដែរ​ មិន​ដឹង​ថា​មក​ពី​មូល​ហេតុ​អ្វី​ឡើយ​ព្រោះ​ក្រុម​គ្រួសារ​តារាកំប្លែង នាយ ត្រដក់ មិន​អាច​ទាក់​ទង​សុំការ​បកស្រាយ​បាន​ឡើយ សង្ឃឹម​ថា​ក្រុម​គ្រួសារ​លោក​នឹង​ចេញ​មុខ​បញ្ជាក់​ចំពោះ​មូលហេតុ​ដែល​កូន​ស្រី​សម្លាប់​ខ្លួន​ឱ្យមហាជន​បាន​ដឹង​ក្នុង​ពេល​ឆាប់​ៗនេះផងចុះ៕