មន្ត្រីជាន់ខ្ពស់​របស់ រដ្ឋាភិបាល​រុស្ស៊ី ធ្វើ​ទស្សនកិច្ច Mariupol របស់ អ៊ុយ​ក្រែ​ន

លោក Marat Khusnullin (រូប​កណ្ដាល)

ឧបនាយករដ្ឋមន្ត្រី​រុស្ស៊ី Khusnullin ធ្វើដំណើរ​ទៅកាន់ Mariupol ដែលជា​ទីក្រុង​កំពង់ផែ​ភាគខាងត្បូង​របស់ អ៊ុយ​ក្រែ​ន ដោយ​ចាត់ទុកថា នេះ​ជា​ដែនដី​ទើប​រំដោះ​បាន​របស់ «ប្រទេស​ដែល​ស្និទ្ធ​នឹង រុស្ស៊ី»។

«ខ្ញុំ​ធ្វើ​ទស្សនកិច្ច​បណ្ដា​តំបន់​ដែល​ត្រូវបាន​រំដោះ​របស់ «សាធារណរដ្ឋ​ប្រជាមានិត Donetsk (DNR) និង សាធារណរដ្ឋ​ប្រជាមានិត Lugansk (LNR)។ ខ្ញុំ​បានធ្វើ​ទស្សនកិច្ច Mariupol, Volnovakha, Lugansk និង​បណ្ដា​ទីក្រុង​ផ្សេងទៀត និង​បាន​ជួប​សន្ទនា​ជាមួយ​ប្រជាជន​ក្នុងស្រុក» ឧបនាយករដ្ឋមន្ត្រី​រុស្ស៊ី Marat Khusnullin ប្រកាស​លើ Telegram កាលពី​ថ្ងៃទី ៨ ឧសភា។

Advertisement

រូបថត​នានា​ដែល​ត្រូវ​បានប្រកាស​ឱ្យដឹង បង្ហាញថា លោក Khusnullin បាន​ជួប​លោក Denis Pushilin ដែលជា​មេដឹកនាំ​របស់ DNR។

ទីក្រុង​ Mariupol

ទីប្រឹក្សា​របស់​អភិបាលក្រុង Mariupol លោក Petro Andrushenko និយាយថា Khusnullin បានមក​កាន់ Mariupol។ លោក​បន្ថែមថា ទស្សនកិច្ច​បែបនេះ​គឺ​ជា​ការ​ដែល​បង្ហាញ​ថា រុស្ស៊ី កាន់តែ​ឆ្ពោះទៅរក​ការ​រឹបអូស​តំបន់​ទាំងនេះ ដាក់បញ្ចូល​ទៅក្នុង ប្រទេស​រុស្ស៊ី»។

Advertisement