ពលរដ្ឋ​អាល្លឺម៉ង់ រំឭក​ខួប ៧៧ ឆ្នាំ នៃ​ជ័យជម្នះ​លើ ហ្វា​ស៊ី​ស​និយម

ទន្ទឹមគ្នា​នឹង​ព្រឹត្តិការណ៍​ជាច្រើន​ដែល​ត្រូវបាន​ធ្វើឡើង​នៅ សហព័ន្ធរុស្ស៊ី ដើម្បី​រំឭក​ខួប ៧៧ ឆ្នាំ នៃ​ទិវា​ជ័យជម្នះ​លើ ហ្វា​ស៊ី​ស​និយម កាលពី​ថ្ងៃទី ៩ ឧសភា ប្រជាជន​នៅ ទីក្រុង​បែរ​ឡាំង ក៏ដូចជា​ទីក្រុង​ជាច្រើន​ផ្សេងទៀត​របស់ អាល្លឺម៉ង់ បាន​ប្រមូល​ផ្ដុំគ្នា​នៅ​ទីលាន​បូជនីយស្ថាន ដើម្បី​រំឭក​ព្រឹត្តិការណ៍​នេះ និង​ដើម្បី​គោរព​ដល់​វិញ្ញ​ណ​ក្ខ​ន្ធ​នៃ​ទាហាន​ក្រហម​សូ​វៀត ដែល​បាន​ពលី​ជីវិត ជួយសង្គ្រោះ​មនុស្សជាតិ​ពី​សោកនាដកម្ម​ប្រល័យ​ពូជ​សាស្ត្រ​របស់ ហ្វា​ស៊ី​ស​និយម។

ក្រោយពី​សង្គ្រាមលោកលើកទី ២ បានបញ្ចប់ កងទ័ព​ក្រហម​សូ​វៀត បាន​សាងសង់ បូជនីយស្ថាន​សូ​វៀត ចំនួន ៤ កន្លែង នៅ ទីក្រុង​បែរ​ឡាំង។ បូជនីយស្ថាន​ទាំងនេះ​ត្រូវបាន​កសាងឡើង​ដើម្បី​ទុកជា​ការ​នឹក​ដល់​គុណ​របស់​ទាហាន​ក្រហម​ដែល​បាន​បាត់បង់​ជីវិត ក្នុងនោះ​មាន ទាហាន​សូ​វៀត ប្រហែល ៨០,០០០ នាក់ ដែល​បាន​ពលី​នៅក្នុង​ការ​វាយ​សម្រុកចូល​មូលដ្ឋានទ័ព​របស់ ហ៊ី​ត្លែរ (អា​ដុល​ហ្វ៍ ហ៊ី​ទ្លែ​រ/Adolf Hitler – (២០ មេសា ១៨៨៩ – មេសា ១៩៤៥)) គឺជា​អ្នកនយោបាយ​សញ្ជាតិ​អាល្លឺម៉ង់ ដើមកំណើត​អូទ្រីស។ គាត់​ធ្លាប់ជា​អ្នកដឹកនាំ​គណបក្ស​ណា​ស៊ី និង​ជា​ព្រឺ​ទ្ធ​បុរស​របស់ អាល្លឺម៉ង ពី​ឆ្នាំ ១៩៣៣ ដល់ ១៩៤៥ ហើយក៏​ជា​អ្នកដឹកនាំ​ផ្តាច់ការ​របស់ ណា​ស៊ី​អាល្លឺម៉ង់ (Führer und Reichskanzler) ពី​ឆ្នាំ ១៩៣៤ ដល់​ឆ្នាំ ១៩៤។ អា​ដុល​ហ្វ៍ ហ៊ី​ទ្លែ​រ គឺជា​ចំណុចកណ្តាល​នៃ ណា​ស៊ី​អាល្លឺម៉ង់ សង្គ្រាមលោកលើកទី ២ នៅ អឺរ៉ុប ក៏ដូចជា​ការសម្លាប់រ​ង្គា​ល​ផងដែរ) នៅ ទីក្រុង​បែរ​ឡាំង ក្នុង​ខែមេសា-ឧសភា ១៩៤៥។

Advertisement

រាប់សិប​ឆ្នាំ​កន្លងមកនេះ ឱ្យតែ​ដល់​ថ្ងៃ ៩ ឧសភា ពលរដ្ឋ​តែងតែ​នាំយក​ផ្កា​មក​បូជា និង​រំឭក​នឹក​គុណ​ទាហាន​ដែល​បាន​បាត់​បង់ជីវិត។ ឆ្នាំនេះ ដោយសារ​តែមាន​សង្គ្រាម​នៅ អ៊ុយ​ក្រែ​ន និង​បារម្ភ​អំពី​ស្ថានការណ៍​ច្របូកច្របល់ អាជ្ញាធរ​បែរ​ឡាំង បានចេញ​បទបញ្ជា​ហាម​លើក​ទង់​របស់ រុស្ស៊ី និង អ៊ុយ​ក្រែ​ន នៅក្នុង​បណ្ដា​ទីតាំង​ដែល​ប្រារព្ធ​ព្រឹត្តិការណ៍​ជ័យជម្នះ​លើ ហ្វា​ស៊ីត​និយម​នៅ រដ្ឋធានី។ ក៏ប៉ុន្តែ ការហាមឃាត់​នេះ​មិន​អនុវត្ត​ចំពោះ​អ្នកការទូត ឬ​អតីត​ទាហាន​ដែល​ធ្លាប់បាន​ចូលរួម​ធ្វើ​សង្គ្រាមលោកលើកទី ២ ឡើយ។

 

Advertisement