អាម៉េរិក ថា រុស្ស៊ី បាត់បង់​រថក្រោះ​ប្រហែល ១,០០០ គ្រឿង នៅ អ៊ុយ​ក្រែ​ន

មន្ត្រី​អាម៉េរិក បានឱ្យដឹងថា កងទ័ព​រុស្ស៊ី បាន​បាត់បង់​រថក្រោះ​ជិត ១,០០០ គ្រឿង និង​កាំភ្លើង​ធំ​ជាង ៣៥០ ដើម ប៉ុន្តែ នៅតែមាន​ប្រៀប​ជាង​បើ​ធៀប​នឹង​កងទ័ព​របស់ អ៊ុយ​ក្រែ​ន។

«រហូតដល់​បច្ចុប្បន្ន កងកម្លាំង​រុស្ស៊ី បាន​បាត់បង់​រថក្រោះ​ជិត ១,០០០ គ្រឿង, កាំភ្លើង​ធំ​ជាង ៣៥០ ដើម, យន្តហោះ​ចម្បាំង​ទម្លាក់​គ្រាប់បែក​ជិត ៣០ គ្រឿង និង​ឧទ្ធម្ភាគចក្រ​ជាង ៥០ គ្រឿង ក្នុង​សង្គ្រាម​នៅ អ៊ុយ​ក្រែ​ន» មន្ត្រី​ការពារជាតិ​ជាន់ខ្ពស់​អាម៉េរិក បង្ហើប​ឱ្យដឹង​ដូច្នេះ​កាលពី​ថ្ងៃទី ២៦ ឧសភា។

Advertisement

មន្ត្រី​អាម៉េរិក ខាងលើ​ក៏បាន​បញ្ជាក់ថា បើទោះជា​ទទួលរង​ការខាតបង់​ច្រើន ប៉ុន្តែ កងកម្លាំង​រុស្ស៊ី នៅមាន​សមត្ថភាព​ខ្លាំង​ក្លា​នៅឡើយ។ «រុស្ស៊ី ចំណាយ​យ៉ាងច្រើន​ទៅលើ​សព្វាវុធ និង​បុគ្គលិក​សម្រាប់​យុទ្ធនាការ​នេះ ពួកគេ​រង​ការខាតបង់ ហើយ​ភាគី​ខាង អ៊ុយ​ក្រែ​ន ក៏​ដូច្នេះ​ដែរ» មន្ត្រី​អាម៉េរិក អះអាង​ដូច្នេះ។

រថក្រោះរបស់ រុស្ស៊ី ត្រូវបានកម្ទេចនៅក្នុងភូមិ Dmytrivka ក្បែររដ្ឋធានីកៀវ របស់ អ៊ុយក្រែន កាលពីថ្ងៃទី ២៣ ឧសភា ២០២២
យន្តហោះ​ចម្បាំង​របស់ រុស្ស៊ី ត្រូវ​បាន​កម្លាំង​របស់ អ៊ុយក្រែន បាញ់​ទម្លាក់​ពី​លើ​អាកាស​នៃ​តំបន់ Odesa នេះ​បើ​តាម​គណនី​បណ្ដាញ​សង្គម​របស់​ កងទ័ព​ទឹក​ទឹក​អ៊ុយក្រែន
Advertisement