វីដេអូ​៖ «យន្តហោះ​ចម្បាំង​​អាម៉េរិក​-​កូរ៉េ​ខាង​ត្បូង​ បង្ហាញ​​អំណាច»​ ដើម្បី​​ឆ្លើយ​តប​​ការ​សាក​ល្បង​​មី​ស៊ី​ល​​របស់​ កូរ៉េ​ខាង​ជើង

កងទ័ព​កូរ៉េខាងត្បូង កាលពី​ថ្ងៃទី ៧ មិថុនា បាន​បង្ហោះ​វីដេអូ​មួយ​បង្ហាញ​ពី​ក្រុម​យន្តហោះ​ចម្បាំង​របស់​ប្រទេស​នេះ និង សហរដ្ឋ​អាម៉េរិក ហោះហើរ​រួមគ្នា ដើម្បី​បង្ហាញ​កម្លាំង​នៅលើ​អាកាស ២ ថ្ងៃ​បន្ទាប់ពី កូរ៉េខាងជើង សាកល្បង​អាវុធ។

សកម្មភាព​ហោះហើរ​ជា​ក្រុម​របស់​បណ្ដា​យន្តហោះ​ចម្បាំង​របស់ កូរ៉េខាងត្បូង-អាម៉េរិក នេះ ត្រូវបាន​ធ្វើឡើង​ដើម្បី​ឆ្លើយតប​ទៅនឹង​សកម្មភាព​បាញ់​សាកល្បង​មី​ស៊ី​ល​ចំនួន ៨ គ្រាប់​របស់ ទីក្រុង​ព្យុងយ៉ាង។ ក្នុងចំណោម​យន្តហោះ​ចម្បាំង​ទាំង ២០ គ្រឿង របស់ កូរ៉េខាងត្បូង និង សហរដ្ឋ​អាម៉េរិក ខាងលើនេះ ក៏មាន​ការចូលរួមរ​បស់​យន្តហោះ​ចម្បាំង​បំបាំងកាយ F-៣៥A ផងដែរ។

ការ​ហោះ​ហើរ​របស់​ក្រុម​យន្តហោះ​ខាងលើ​ ត្រូវ​បាន​ធ្វើ​ឡើង​ក្នុង​គ្រាដែល​អនុរដ្ឋមន្ត្រី​ការ​បរទេស​អាម៉េរិក Wendy Sherman កំពុង​ធ្វើ​ទស្សនកិច្ច​នៅ កូរ៉េខាង​ត្បូង​។ មន្ត្រី​រូប​នេះ​​​អះអាង​ថា នឹង​មាន​ប្រតិកម្ម​ខ្លាំង​ក្លា​ និង​ច្បាស់​លាស់ បើ​សិន​ កូរ៉េខាង​ជើង​ សាកល្បង​អាវុធ​នុយក្លេអែរ​។

Advertisement