ពិភពលោកទាំងមូល មានមនុស្សជិត233,000នាក់បានស្លាប់ នៅក្នុងចំណោមអ្នកជំងឺCOVID-19 សរុបជាង3.2លាននាក់។
ស្ថិតិពីសាកលវិទ្យាល័យ Johns Hopkins បានឱ្យដឹងថា នៅក្នុងបណ្ដាប្រទេស និងដែនដីចំនួន210 ក្នុងពិភពលោក មានអ្នកជំងឺCOVID-19 សរុបឡើងដល់3,249,667នាក់ និងអ្នកបាត់បង់ជីវិតដោយសារវីរុសនេះ កើនដល់232,936នាក់ ក្នុងនោះមានអ្នកជំងឺថ្មី61,748នាក់ និងអ្នកស្លាប់ថ្មី5,759នាក់។ អ្នកដែលបានជាសះស្បើយពីជំងឺនេះ មានចំនួនជាង1លាននាក់។
សម្បុកមេរោគកូរ៉ូណាធំជាងគេក្នុងពិភពលោក គឺនៅតែជាសហរដ្ឋអាមេរិក ដោយមានអ្នកជំងឺសរុប1,067,289នាក់ ក្នុងនោះមានអ្នកស្លាប់ចំនួន62,870នាក់។ អ្នកជំងឺថ្មីកើន29,763នាក់ ខណៈអ្នកស្លាប់ថ្មីកើន2,024នាក់ បើធៀបនឹងម្សិលមិញ។
ប្រភព៖ សារព័ត៌មានបរទេស
