Donald Trump និង​សភា តែង​តាំង​​ជនជាតិ​ស្បែក​ខ្មៅ​ ជាមេបញ្ជា​ការ​កង​ទ័ព​ដំបូង​គេ​ក្នុង​ប្រវត្តិសាស្ត្រ

Donald Trump និង​សភា តែង​តាំង​​ជា​ជនជាតិ​ស្បែក​ខ្មៅ​ ជាមេបញ្ជា​ការ​កង​ទ័ព​
លោក​ Charles Brown

Charles Brown ត្រូវ​បាន​សភា​ជាន់​ខ្ពស់​សហរដ្ឋ​អាមេរិក​​តែង​តាំង​ជា​មេបញ្ជាការ​​កងទ័ព​អាកាស​ និង​ក្លាយ​ជា​ពលរដ្ឋ​អាមេរិក​ដើម​កំណើត​អាហ្វ្រិក​ដំបូង​គេ​ដែល​កាន់​កាប់​តំណែង​ជា​មេបញ្ជា​ការ​កង​ទ័ព​សហរដ្ឋ​អាមេរិក​។

លោក​ Charles Brown អាយុ​57​ឆ្នាំ​ បច្ចុប្បន្ន​គឺជា​មេបញ្ជាការកងទ័ពអាកាស​ប្រចាំ​តំបន់​ប៉ាស៊ីហ្វិក ទើប​ត្រូវ​បាន​សភា​ជាន់ខ្ពស់​អាមេរិកាំង​តែង​តាំង​ជា​មេបញ្ជា​ការ​កង​ទ័ព​អាកាស​​សហរដ្ឋ​អាមេរិក​ ដោយ​ទទួល​បាន​សំឡេង​​ឆ្នោត​គាំទ្រ​98​សំឡេង​​ និង​មិនមាន​សំឡេង​​ប្រឆាំង​ នៅ​ក្នុង​ការ​អនុម័ត​របស់​សភា​ជាន់​ខ្ពស់​កាល​ពី​ថ្ងៃទី​9​មិថុនា​។

លោក​ Charles Brown អាយុ​57​ឆ្នាំ​

ជាមួយ​នឹង​សេចក្ដី​សម្រេច​នេះ លោក​ Charles Brown​ ក្លាយ​ជា​ពលរដ្ឋ​ដើម​កំណើត​អាហ្រិក​ដំបូង​គេ​ដែល​គ្រប់​គ្រង់​តំណែង​ខ្ពស់​បំផុត​មួយ​ក្នុង​ចំណោម​តំណែង​ជា​មេបញ្ជាការ​កង​ទ័ព​ចំនួន​6​របស់​សហរដ្ឋ​អាមេរិក​។ លោក Brown ក៏​ជា​ជន​ជាតិ​ស្បែក​ខ្មៅ​ទី​2​ដែល​បាន​មាន​វត្តមាន​នៅ​ក្នុងអគ្គបញ្ជាការដ្ឋាន​ចម្រុះ​​សហរដ្ឋ​អាមេរិក​ (Joint Chiefs of Staff) បន្ទាប់​ពី​លោក​​ Colin Powell អតីត​អគ្គ​មេបញ្ជា​ការ​កង​ទ័ព​ (Chairman of the Joint Chiefs of Staff) ដំណាក់​កាល​ពី​ឆ្នាំ​1989-1993​។

លោក​​ Colin Powell អតីត​អគ្គ​មេបញ្ជា​ការ​កង​ទ័ព​ (Chairman of the Joint Chiefs of Staff) ដំណាក់​កាល​ពី​ឆ្នាំ​1989-1993​
លោក​​ Colin Powell អតីត​អគ្គ​មេបញ្ជា​ការ​កង​ទ័ព​ (Chairman of the Joint Chiefs of Staff) ដំណាក់​កាល​ពី​ឆ្នាំ​1989-1993​។

ប្រធានាធិបតី Donald Trump បាន​សរសេរ​នៅ​លើ​ Twitter កាលពីថ្ងៃទី​9​មិថុនា​ថា “ការ​សម្រេច​ចិត្ត​របស់​ខ្ញុំ​ក្នុង​ការ​តែង​តាំង​មេបញ្ជា​ការ​កង​ទ័ព​អាកាស​នេះ លោក Charles Brown ក្លាយ​ជា​ពលរដ្ឋ​ដើមកំណើត​អាហ្វ្រិក​ដំបូង​គេ​ដែល​បាន​ធ្វើ​ជា​មេបញ្ជាការ​កង​ទ័ព​ដែល​ត្រូវ​បាន​សភា​ជាន់​ខ្ពស់​អនុម័ត​យល់​ព្រម​។ ជា​ថ្ងៃ​ប្រវត្តិ​សាស្ត្រ​ចំពោះ​សហរដ្ឋ​អាមេរិក​! ពិត​ជា​មាន​ការ​សប្បាយ​រីក​រាយ​ក្នុង​ការ​​ធ្វើ​ការ​ម៉ត់​ចត់​បន្ថែម​ទៀត​ជាមួយ​មេបញ្ជា​ការ​ Brown ដែល​ជា​អ្នក​ស្នេហា​ជាតិ​ និង​ជា​មេដឹក​នាំ​ល្អម្នាក់​!”។

ការ​តែង​តាំង​ខាងលើ​នេះ បាន​កើត​ឡើង​ក្នុង​គ្រា​ដែល​មាន​បាតុកម្ម​ជា​ច្រើន​កើត​ឡើង​នៅ​ទូទាំង​សហរដ្ឋ​អាមេរិក​ក្រោយ​ពី​ការ​ស្លាប់​របស់​ George Floyd ដែល​នេះ​បាន​រួម​ចំណែក​បន្ថែម​ទៀត​ក្នុង​សាមគ្គី​ភាព​ដើម្បី​លុប​បំបាត់​អំពើ​រើស​អើង​ពូជ​សាសន៍​ក្នុង​ប្រទេស​វនេះ​។

លោក​ Brown ធ្លាប់​បាន​បញ្ចេញ​យោបល់​កាល​ពី​សប្ដាហ៍​មុន​​ថា បញ្ហា​ដើមកំណើត​អាហ្វ្រិក​កំពុង​តែ​រាំង​ខ្ទប់​រូប​លោក​​ក្នុងការទទួល​បាន​ការ​ដំឡើង​ឋានន្តរសក្ដិ​។ លោកថ្លែង​ថា ការ​តែង​តាំង​នេះ​​អាច​នាំ​មក​នូវ​ក្ដី​សង្ឃឹមដល់​​អ្នក​ផ្សេង​ ប៉ុន្តែ​លោក​បាន​ទទួល​ស្គាល់​ថា ចំពោះ​លោក​តែ​ម្នាក់​ឯង​ “មិន​អាច​ផ្សះ​ផ្សារ​ការ​បែង​ចែក​ពូជ​សាសន៍​ដែល​កើត​មាន​អស់​រយៈ​ពេល​រាប់​សតវត្សរ៍​” នៅ​សហរដ្ឋ​អាមេរិក​ឡើយ​៕

ប្រភព៖ AFP

Advertisement