វ៉េណេស៊ុយអេឡា បាញ់​ទម្លាក់​យន្ត​ហោះ​ឯកជន​មួយ​គ្រឿង​ ព្រោះ​បាន​រំលោភ​ដែន​អាកាស​

វ៉េណេស៊ុយអេឡា បាញ់​ទម្លាក់​យន្ត​ហោះ​ឯកជន​មួយ​គ្រឿង​ ព្រោះ​បាន​រំលោភ​ដែន​អាកាស​

កង​ទ័ព​ប្រទេស​វ៉េណេស៊ុយ​អេឡា​ បាន​ទទួល​ស្គាល់​ថា បាន​បាញ់​ទម្លាក់​យន្ត​ហោះ​ឯក​ជន​មួយ​​គ្រឿង​ដែល​មាន​​លេខ​កូដ​បញ្ជាក់​ថា មក​ពី​សហរដ្ឋ​អាមេរិក​ ដោយ​សារ​ថា​​ យន្តហោះ​នេះ​បាន​រំលោភ​លើ​ដែន​អាកាស​របស់​ប្រទេស​អាមេរិក​ខាង​ត្បូង​មួយ​នេះ​។

សារ​ព័ត៌មាន​ Sputnik បាន​រាយ​ការណ៍​ថា​ បញ្ជា​ការដ្ឋាន​យុទ្ធ​សាស្ត្រ​របស់​ក្រុម​ប្រដាប់​​អាវុធ​វ៉េណេស៊ុយ​អេឡា​ (CEOFANB) កាល​ពី​ថ្ងៃទី​8​កក្កដា​ បាន​ប្រកាស​ថា ប្រទេស​នេះ​កម្ចាត់​យន្ត​ហោះ​​មួយ​គ្រឿង​ដែល​មាន​លេខ​កូដ​​បង្ហាញ​ថា​ជា​យន្ត​ហោះ​មក​ពី​សហរដ្ឋ​អាមេរិក​ ព្រោះ​តែ​យន្ត​ហោះ​នេះ​បាន​រំលោភ​លើ​ដែន​អាកាស​របស់​វ៉េណេស៊ុយ​អេឡា​។

កង​ទ័ព​វ៉េណេស៊ុយ​អេឡា​ បាន​បង្ហោះ​សារ​នៅ​លើ​ទំព័រ​ Twitter ថា “CEOFANB សូម​ប្រកាស​ថា បញ្ជាការដ្ឋាន​កង​ទ័ព​ការ​ពារ​ដែន​អាកាស​ បាន​រកឃើញ​យន្ត​ហោះ​មួយ​គ្រឿង​ដែល​មាន​លេខ​សម្គាល់​មក​ពី​សហរដ្ឋ​អាមេរិក រំលោភ​លើ​ដែន​អាកាស​ប្រទេស​វ៉េណេស៊ុយ​អេឡា​នា​យប់​ថ្ងៃទី​8​កក្កដា​។ យន្ត​ហោះ​ចម្បាំង​របស់​វ៉េណេស៊ុយ​អេឡា​ បាន​កម្ចាត់​យន្ត​ហោះ​ដែល​បាន​និយាយ​ខាង​ដើម​នេះ​ ទៅ​តាម​ការ​កំណត់​”។

ទន្ទឹម​នឹង​សេចក្ដី​ប្រកាស​នេះដែរ គេ​ឃើញ​មាន​រូប​ភាព​របស់​យន្ត​ហោះ​ដែល​ត្រូវ​បាន​ “កម្ទេច” កំពុង​ឆេះ​នៅ​លើ​ដី​។ រូប​ភាព​មួយ​បាន​បង្ហាញ​អំពី​លេខ​ស៊េរី​ N339AV នៅ​លើ​កន្ទុយ​យន្តហោះ​។

យោង​តាម​ទំព័រ Flightradar នេះ​គឺជា​យន្តហោះ​ឯក​ជន​ Hawker 800។ មុនពេល​​ត្រូវ​បាន​បាញ់​ទម្លាក់​មួយ​ថ្ងៃ យន្ត​ហោះ​នេះ​បាន​ចុះ​ឈ្មោះ​ដើម្បី​ធ្វើការ​ហោះ​ហើរ​នៅ​ក្នុង​ប្រទេស​ម៉ិកស៊ិក ពី​រដ្ឋ Toluca ទៅកាន់​កោះ Cozumel នៃ​តំបន់​សមុទ្រ​ Caribbean។

វ៉េណេស៊ុយអេឡា បាញ់​ទម្លាក់​យន្ត​ហោះ​ឯកជន​មួយ​គ្រឿង​ ព្រោះ​បាន​រំលោភ​ដែន​អាកាស​បច្ចុប្បន្ន​ មិន​ទាន់​មាន​ព័ត៌មាន​ផ្លូវ​ការ​ទាក់ទិន​នឹង​ទី​តាំង​ដែល​យន្ត​ហោះ​នេះ​ត្រូវ​បាន​បាញ់​ទម្លាក់​ ក៏ដូច​ជា​មនុស្ស​និង​ទំនិញ​នៅ​លើ​យន្ត​ហោះ​នេះ​នៅ​ឡើយ​។ សារ​ព័ត៌មាន​ Sputnik បាន​ចេញ​ផ្សាយ​ថា ហេតុ​ការណ៍​ស្រដៀង​នឹង​ករណី​ខាង​លើ​ តែង​តែ​កើត​ឡើង​ដោយ​មាន​ជាប់​ទាក់​ទិន​នឹង​សកម្ម​ភាព​ជួញ​ដូរ​គ្រឿង​ញៀន​ខុស​ច្បាប់​។ កាល​ពី​ខែ​មុន​​ កងទ័ព​ប្រទេស​វ៉េណេស៊ុយ​អេឡា​ក៏​ធ្លាប់​បាន​បាញ់​ទម្លាក់​យន្ត​ហោះ​មួយ​គ្រឿង​ដែរ ដោយ​សារ​តែ​យន្ត​ហោះ​នេះ​ដឹក​គ្រឿង​ញៀន​។

ឆ្នាំ​2013 ប្រធានាធិបតី​វ៉េណេស៊ុយ​អេឡា​ លោក Nicolas Maduro បាន​ចុះ​ហត្ថ​លេខា​លើ​ច្បាប់​មួយ​ដែល​អនុញ្ញាត​ឱ្យ​កង​ទ័ព​បាញ់​ទម្លាក់​យន្ត​ហោះ​ទាំង​ឡាយ​របស់​ក្រុម​ឈ្មួញ​គ្រឿង​ញៀន​ដែល​ហោះ​ហើរឆ្លង​កាត់​​ដែន​អាកាស​របស់​ប្រទេស​នេះ​។ នេះ​បើ​តាម​សារ​ព័ត៌មាន Sputnik៕

ប្រភព​៖ សារ​ព័ត៌មាន​បរទេស

Advertisement