Joe Biden ​ដំណើរ​​ការ​​គេហទំព័រ​​​ “ប្រគល់​​អំណាច”​ ដើម្បី​​ត្រៀម​​ចូល​​កាន់​កាប់​សេត​វិមាន

បេក្ខ​ភាព​ប្រធានាធិបតី​មក​ពី​បក្ស​ប្រជាធិបតេយ្យ លោក Joe Biden មិន​ទាន់​ប្រកាស​ជោគជ័យ​របស់​ខ្លួន​នៅក្នុង​ការ​បោះ​ឆ្នោត​ជ្រើសរើស​ប្រធានាធិបតី​អាមេរិក​នៅឡើយ ប៉ុន្តែ​លោក​កំពុង​តែ​សង្ឃឹម​យ៉ាង​មុត​មាំ​លើ​លទ្ធភាព​នេះ​។

លោក​ Biden ទំនង​ជា​កំពុង​ត្រៀម​ខ្លួន​សម្រាប់​ “ការ​ធ្វើ​ដំណើរ​ចូល​កាន់កាប់​សេតវិមាន​” នា​ពេល​ដ៏ខ្លី​ខាង​មុខ ដោយ​ការ​បង្ហាញ​អំពី​គេហ​ទំព័រ​ប្រគល់​អំណាច​ថ្មី​មួយ​ដល់​សាធារណជន​។

Joe Biden បញ្ចេញ​គេហទំព័រ​ "ប្រគល់​អំណាច"

នៅលើ​គេហទំព័រ buildbackbetter.com មាន​ឃ្លា​សរសេរ​ថា​៖ “ពលរដ្ឋ​អាមេរិកាំង​នឹង​សម្រេច​ថា​ អ្នក​ណា​នឹង​ក្លាយជា​ប្រធានាធិបតី​បន្ទាប់​។ សន្លឹក​ឆ្នោត​នៅ​តែ​កំពុង​ត្រូវ​បាន​រាប់​នៅ​ពាស​ពេញ​ផ្ទៃ​ប្រទេស​”។

ចំណែក​នៅ​លើ​គេហ​ទំព័រ​របស់​ Joe Biden វិញ គេ​ឃើញ​ថា​មាន​ការ​ចាប់​ផ្ដើម​ដោយ​ឃ្លា “Keep The Faith” (រក្សា​ការ​ជឿ​ជាក់​) និង​ខាង​ក្រោម​មាន​ឃ្លា “When all of the votes are counted, Joe Biden will be the​ next ​President of the United States” ដែល​មាន​ន័យ​ថា “នៅ​ពេល​ដែល​សន្លឹក​ឆ្នោត​ទាំងអស់​ត្រូវ​បាន​រាប់​ Joe Biden នឹង​ក្លាយ​ជា​ប្រធានាធិបតី​​បន្ទាប់​របស់​សហរដ្ឋ​អាមេរិក​”។

ប្រភព​៖ Forexlive

Advertisement