សាច់​ចៀម​ដោត​ចង្កាក់

ធ្លាប់​ឮ និង​ទទួលទាន​ត្រឹមតែ​ជា​សាច់គោ​អាំង ឬ​សាច់គោ​ដោត​ចង្កាក់​អាំង តែ​ពេលនេះ​អាច​ទំនង​ជាមាន​ភាពខុសប្លែក​គ្នា​បន្តិច​ហើយ ដ្បិត ឡា​រ៉ែ​ន បាន​នាំយកមក​នូវមុខ​ម្ហូប​ថ្មី​មួយទៀត​ដែល​បង្កើតឡើង​ដោយ​ចុងភៅ​ជំនាញ​មាន​បទពិសោធ​ជាច្រើន​ឆ្នាំ ប្រចាំ​នៅ​ភោជនីយដ្ឋាន Cowboy ដែលមាន​ទីតាំង​ស្ថិតនៅ​ផ្លូវ​ប៉ាស្ទ័រ កែង​ផ្លូវ​លេខ242 ខណ្ឌដូនពេញ រាជធានី​ភ្នំពេញ បង្កើត​ចេញពី​សាច់​ចៀម រួមជាមួយ​នឹង​បន្លែ នោះ​គឺ​មុខម្ហូប​ដែលមាន​ឈ្មោះថា “សាច់​ចៀម​ដោត​ចង្កាក់​អាំង​ពិសេស”

Advertisement

+ គ្រឿងផ្សំ
* សាច់​ចៀម
* ម្ទេស​ប្លោក​ខៀវ
* ម្ទេស​ប្លោក​ក្រហម
* ខ្ទឹមបារាំង
* អំបិល
* ម្រេច​ម៉ដ្ឋ
* រ៉ូ​ស្មែ​រី
* ប្រេង​អូ​លីវ
* ទឹកជ្រលក់​ម្រេចខ្មៅ​គ្រាប់

+ វិធី​ធ្វើ
មុនដំបូង​អ្នក​ត្រូវយក​សាច់​ចៀម​លាង​សម្អាត​ឱ្យ​ស្អាត រួច​ជូត​ឱ្យ​ស្ងួត​សឹម​យកទៅ​ប្រឡាក់​ជាមួយ​អំបិល ម្រេច​ម៉ដ្ឋ ប្រេង​អូ​លីវ បន្ទាប់មក​យក​បន្លែ​ដូចជា ម្ទេស​ប្លោក​ខៀវ ម្ទេស​ប្លោក​ក្រហម ខ្ទឹមបារាំង​ដោយ​កាត់​ជា​ដុំ (តាម​ចំណង់​ចំណូលចិត្ត) ហើយ​យក​ចង្កាក់​ដោត​ជាមួយ​សាច់ រួច​យកទៅ​អាំង​ដោយ​ប្រើ​កម្តៅភ្លើង​ក្ដៅ​ល្មម។ ដោយឡែក​សម្រាប់​កម្រិត​នៃ​ការ​ឆ្អិន លោកអ្នក​កំណត់​បាន​ដោយ​ខ្លួនឯង​ទៅតាម​ចិត្ត​ដែល​អ្នក​ចង់បាន៕

Advertisement