នារដូវរងា តើការងូតក្តៅមានផលប្រយោជន៍ដល់សុខភាពដូចម្តេចខ្លះ?

អ្នកដឹងទេថា ការងូតទឹកក្ដៅឧណ្ហៗមានប្រយោជន៍អ្វីខ្លះចំពោះសុខភាពនៅរដូវរងា? ​ដោយនៅរដូវរងាអ្នកតែងចាញ់អាកាសធាតុត្រជាក់ ដូច្នេះហើយមានមនុស្សជាច្រើនបានយល់ថា ងូតទឹកក្ដៅឧណ្ហៗពិតជាធ្វើឱ្យអ្នកស្រួលខ្លួនជាងមុនមិនខានហើយអាចបំបាត់ភាពរងាបានទៀតផង។ ថ្ងៃនេះទស្សនាវដ្តី ឡារ៉ែន សូមជម្រាបជូនអំពីអត្ថប្រយោជន៍នៃការងូតទឹកក្ដៅឧណ្ហៗចំពោះសុខភាព ៖

1. បង្កើនថាមពល
ទឹកក្កៅជួយបង្កើនថាមពលនៅពេលអ្នកងូតទឹកក្ដៅឧណ្ហៗ វាជួយបង្កើនអត្រាចង្វាក់បេះដូងដែលជួយដល់ការបញ្ចូនឈាមទៅកាន់សិរីរាង្គដទៃទៀតនៃរាងកាយរបស់អ្នក។

2. បង្កើនប្រព័ន្ធភាពស៊ាំដល់រាងកាយ
ការស្រាវជ្រាវមួយនៅសហរដ្ឋអាមេរិក បានរកឃើញថា ការងូតទឹកក្ដៅឧណ្ហៗបាន បង្កើតប្រព័ន្ធភាពសុំារបស់អ្នកនឹងមានកម្រិតខ្ពស់ជាងមុន។

3. ជួយបន្ថយទម្ងន់របស់អ្នក
តាមការស្រាវជ្រាវរបស់ក្រុមអ្នកវិទ្យាសាស្ត្រសុខភាពបានរកឃើញថា ការងូតទឹកក្ដៅឧណ្ហៗជួយបន្ថយទម្ងន់ ព្រោះដោយសារតែទឹកក្ដៅវាទៅជួយរំលាយជាតិខ្លាញ់ដែលមាននៅក្នុងខ្លូនរបស់អ្នកជាយូរណាស់មកហើយ។

4. បំបាត់ការឈឺចាប់តាមសាច់ដុំ
តាមការស្រាវជ្រាវនៅសាកលវិទ្យាល័យមួយប្រទេសអៀវឡង់ខាងជើងបានបង្ហាញថាការងូតទឹកក្ដៅនៅពេលអ្នករងា បានជួយធ្វើឱ្យអ្នកបំបាត់កាឈឺចាប់នៅតាមសាច់ដុំ ជួយសម្រួលដល់សំពោធឈាម ធ្វើឱ្យចរន្ដឈាមហូរដំណើរការបានល្អ។

5. សម្រួលប្រព័ន្ធឈាមរត់
ការងូតទឹកក្ដៅឧណ្ហជួយឱ្យអារម្មណ៍កក់ក្ដៅស្រួលខ្លួន ក្រោយពេលងូតទឹកហើយអ្នកមានអារម្មណ៍ប្រសើរច្រើនជាងមុន ព្រោះថា ចរន្ដឈាមអ្នករត់បានស្រួលដោយមិនមានការរាំងស្ទះ។

6. បំបាត់ភាពនឿយហត់
ក្រោយពេលបំពេញការងារក្នុងមួយថ្ងៃហើយអ្នកមានអារម្មណ៍ថា អស់កម្លាំងពីខ្លួនរលីង បើអ្នកបានងូតទឹកក្ដៅឧណ្ហៗ នឹងធ្វើឱ្យអ្នកបំបាត់ភាពនឿយហត់ខ្លាំងបាន អ្នកក៏អាចដាក់ក្លិនផ្កា-ក្រអូបខ្លះៗនៅក្នុងទឹក ដើម្បីបង្កើនភាពស្រស់-ស្រាយដល់អ្នក។ ក្រោយពេលអ្នកងូតទឹករួចអ្នកអាចគេងបានលក់ស្រួលខ្លួនទៀតផង។

7. ជួយបើករន្ធញើស
ការងូតទឹកក្ដៅមិនត្រឹមតែមានប្រយោជន៍ចំពោះសុខភាពប៉ុណ្ណោះទេ តែវាក៏ជួយបើករន្ធញើសរបស់អ្នកផង ដែលធ្វើឱ្យរាងកាយរបស់អ្នកកក់ក្ដៅ ហើយនៅជួយសម្អាតស្បែកអ្នកពីស្រទាប់ជ្រៅជាងមុន ហើយថែមទាំងជួយជម្រុះកោសិកាចាស់ បណ្ដុះកោសិកាថ្មីបានទៀតផង៕

Advertisement