រមៀត កំពូលឱសថបុរាណ ដែលជួយថែបំប៉នរាងកាយ បានតាំងពីខាងក្នុង រហូតដល់ខាងក្រៅ ជាពិសេសប្រើក្នុងការថែបំប៉នស្បែក ដែលមនុស្សបរមបុរាណភាគច្រើន នាំគ្នានិយមយកមើមរមៀតពណ៌លឿងស្រស់ មកលាប ដុសខាត់ និងបំពោកលើស្បែកជាប្រចាំ ទាំងអស់នេះ ដោយសារតែមើមរមៀត មានគុណប្រយោជន៍ និងវីតាមីនជាច្រើនប្រភេទ ដែលជួយថែបំប៉នស្បែក ឱ្យសភ្លឺរលោងម៉ដ្ឋថ្លា បានយ៉ាងល្អអស្ចារ្យហ្នឹងឯង។ សម្រាប់អ្នកណាដែលចង់បានស្បែកស្អាត បែបគ្មានសារធាតុគីមីនោះ សូមប្រញាប់មើលរូបមន្តស្បែកស្អាតភ្លឺរលោង ដោយសារមើមរមៀត ដូចតទៅ៖
រូបមន្តស្បែកស្អាត ដោយរមៀតខាត់ខ្លួន៖ អ្នកគួរជ្រើសរើសប្រើម្សៅរមៀតដែលនៅថ្មី និងស្អាត ដើម្បីការពារស្បែកពីមេរោគផ្សិត កម្ទេចលំអងធូលីដីផ្សេងៗ ដែលអាចធ្វើឱ្យស្បែក កើតការរមាស់ក្រហាយបាន។
-ម្សៅរមៀត 1កូនពែង + ទឹកដោះគោស្រស់ 3 / 4កូនពែង
លាយម្សៅរមៀតជាមួយទឹកដោះគោស្រស់ឱ្យចូលគ្នា ហើយយកមកលាបលើស្បែក ខណៈពេលងូតទឹក ទុកចោលប្រមាណ 15 – 30នាទី។ រូបមន្តនេះ នារីៗយើង អាចធ្វើបានរាល់ថ្ងៃ និងថែមទាំងអាចលាបបានពេញទាំងខ្លួនប្រាណទៀតផង អ្នកណាចង់បានស្បែក-សស្អាត ស្រស់បស់ ត្រូវសាកល្បងរូបមន្តនេះ ហើយនឹងចូលចិត្តរូបមន្តនេះជាមិនខាន។
-ម្សៅរមៀត 1កូនពែង + ទឹកឃ្មុំ 2ស្លាបព្រាបាយ + អម្ពិលទំ កន្លះកូនពែង
ត្រៀមចំណែកផ្សំទាំងអស់ឱ្យគ្រប់ ហើយលាយឱ្យចូលគ្នាសព្វ បន្ទាប់ពីនោះ ទើបយកមកធ្វើម៉ាស្សាថ្នមៗ លើស្បែកដែលនៅសើម ឱ្យសព្វ រួចទុកចោល 10 – 15នាទី។ ធ្វើ 1សប្តាហ៍ 2ដង វានឹងជួយស្តារស្បែក ដែលខ្មៅស្រគាំ ឱ្យ-សភ្លឺឡើងវិញ និងថែមទាំជួយលុបបំបាត់ស្នាមអុចខ្មៅឱ្យបាត់អស់ទៀតផង។
វាជាជម្រើសមួយ ក្នុងចំណោមជម្រើសនៃការមានស្បែកស្អាត ដ៏គួរឱ្យចាប់អារម្មណ៍មិនតិចឡើយ។ សរុបទៅ នរណាចង់បានស្បែកស្អាតម៉ដ្ឋខៃ បែបសន្សំសំចៃប្រាក់ ថែមទាំងមិនបាច់មកអង្គុយនឹកកង្វល់នឹងរឿងផលប៉ះពាល់ពីសារធាតុគីមីនោះ ត្រូវប្រញាប់ទៅរកទិញម្សៅរមៀត មកដុសខ្លួនសាក-លមើលម្តងហើយ៕
