ការមើលថែទាំស្បែកមុខ ដើម្បីទប់ទល់នឹងរដូវរងា

រដូវរងា គឺជាអំឡុងពេលមួយ ដែលស្បែកមុខរបស់យើង ហាក់ដូចជាស្ងួត ដោយសារធាតុអាកាស និងខ្យល់ ដែលនឹងធ្វើឱ្យស្បែករបស់យើង ខ្វះសំណើម និងងាយបែកស្រកា ថ្ងៃនេះ យើងមានវិធីការ​មើលថែទាំស្បែកមុខ ក្នុងអំឡុងរដូវរងា មកជម្រាបជូននារីៗយើងដូចតទៅ៖

“រឿងដំបូង គឺយើងត្រូវស្គាល់ពីលក្ខណៈស្បែកមុខរបស់យើងជាមុនសិន និងជ្រើសរើសប្រើផលិតផល ឱ្យត្រូវនឹងស្បែកមុខរបស់យើង”

Advertisement

-ស្បែកស្ងួត ៈ ត្រូវប្រយ័ត្នប្រយែងក្នុងការមើលថែទាំស្បែក ចូរជ្រើសរើសប្រើឃ្រីម ដែលផ្តល់នូវសណើមដល់ស្បែកមុខ ចៀស​​វាងការ​ប្រើទឹកក្តៅឧណ្ហៗលាងមុខ។ ក្នុងអំឡុងពេលនេះ គួរតមប្រើ ថូននើរ៍ ជូតសម្អាតមុខសិន ព្រោះភាគច្រើនផលិតផលទាំងនោះ ​តែង​​មាន​ចំណែក​ផ្សំរបស់អាល់កុល ដែលអាចនឹងធ្វើឱ្យស្បែកមុខរបស់យើង កាន់តែស្ងួតខ្លាំងជាងមុនទៅទៀត។

-ស្បែកឡើងខ្លាញ់ ឬស្បែកស្ងួតផង ឡើងខ្លាញ់ផង(ស្បែកចម្រុះ) ៈ សម្រាប់ស្បែកទាំង ២នេះ ក្នុងអំឡុងរដូវរងា មិនសូវជាមានបញ្ហា រឿងស្បែកមុខស្ងួត និងបែកស្រកាប៉ុន្មានទេ តែក៏មិនអាចប្រហែសបានដែរ។ យើងសូមណែនាំ ឱ្យជ្រើសរើសលាបឃ្រីមក្នុងបរិមាណឱ្យតិច ព្រោះស្បែកមុខយើងនឹងឡើងខ្លាញ់ច្រើន ជាពិសេសក្នុងកន្លែង ធី ហ្សូន(T zone) និងថែមទាំងជួយកាត់បន្ថយបញ្ហាការញ៉ុកណែនរបស់សារធាតុគីមី ដែលប្រើនោះ មិនឱ្យកើតមុននៅលើមុខផង។

-ស្បែកងាយមានប្រតិកម្ម ៈ ជ្រើសរើសប្រើឃ្រីម ឬផលិតផលដែលមានសុវត្ថិភាព ​ មានសារធាតុគីមីតិច គ្មានឥទ្ធិពលខ្លាំងដល់កោសិកាស្បែក។​ ចៀសវាងផលិតផល ដែលមានចំណែកផ្សំរបស់អាល់កុល តែប្រើសាប៊ូប្រភេទខ្សោយៗលាងមុខ ក៏បាន។

ជ្រើសរើសប្រើផលិតផល ដែលមានចំណែកផ្សំ របស់ម៉យស៍ជើរ៉ាយហ្ស៊ើរ៍ និងក្រោយពេលលាងមុខហើយ សូមណែនាំឱ្យជូតមុខឱ្យស្អាត និងដើម្បីកុំឱ្យស្បែកខ្វះសំណើម ចូរលាបឃ្រីមថែបំប៉នភ្លាម និងញ៉ាំទឹកឱ្យបានច្រើន តែប៉ុណ្ណឹងយើងល្មមអាចនឹងទប់ទល់ជាមួយរដូវរងាបានហើយ និងដែលសំខាន់ ចូរកុំភ្លេចលាបឃ្រីមការពារពន្លឺថ្ងៃផង៕

Advertisement