មិនថាគោលដៅរឿងការងាររបស់លោកអ្នក គឺភាពជោគជ័យ កេរ្ត៏ឈ្មោះ លុយកាក់ ឬជាអ្វីក៏ដោយ តែក្រៅពីខ្លួនរបស់លោកអ្នកផ្ទាល់ហើយ បច្ច័យផ្សេងៗក្នុងការធ្វើការងារ ទាំងកិច្ចការងារ ឬមិត្តរួមការងារ សុទ្ធតែជារឿងសំខាន់ទាំងអស់ ថ្ងៃនេះយើងសូមនាំលោកអ្នក មករៀបចំតុធ្វើការ ដើម្បីបង្កើនហុងស៊ុយ ឱ្យការងាររបស់លោកអ្នកឈានទៅមុខ និងទទួលបានជោគជ័យវិញ ល្អជាង។
- នៅលើតុធ្វើការ
-នៅលើតុធ្វើការ ផ្នែកខាងឆ្វេងមានន័យពីសមត្ថភាព និងចំណេះដឹង ដូច្នេះគួរដាក់សៀវភៅឯកសារផ្សេងៗ ដូចជា វចនានុក្រម ឯកសារច្បាប់ផ្សេងៗ ឬរបស់របរដែលអ្នកចាំបាច់ត្រូវប្រើញឹកញាប់ ដើម្បីបង្កើនចំណេះដឹង និងសមត្ថភាពរបស់លោកអ្នកជាបន្តបន្ទាប់។
-ចំណែកខាងស្តាំ គឺជាកន្លែងដែលពាក់ព័ន្ធនឹងស្នេហា សម្ព័ន្ធភាព អ្នកអាចយករូបថតក្រុមគ្រួសារ ឬមនុស្សដែលលោកអ្នកស្រឡាញ់ មកដាក់តាំងនៅត្រង់នោះ នឹងធ្វើឱ្យសេចក្តីស្នេហារបស់អ្នក រីកស្រស់បំព្រងឡើង ឬដាក់ថូផ្កាស្រស់ៗ ក៏ស្អាតមួយបែបដែរ តែផ្កាដែលដាក់ក្នុងថូ គួរជាចំនួនលេខគូ (2ទង ឬ 4ទង-ល-)។
- ទីតាំងតុធ្វើការ
-មិនគួរបែរមុខតុធ្វើការឱ្យចំផ្លូវចូល ឬបែមុខរកជញ្ជាំងឡើយ ព្រោះនឹងធ្វើឱ្យអ្នកជួបតែឧបសគ្គ តែបើចៀសមិនរួច ដោយសារតុធ្វើការរបស់អ្នកនៅចំពីមុខ ឬបញ្ឆឹតនឹងមាត់ទ្វារនោះ គួរយកផើងដែលមានដើមផ្កាខ្ពស់ ឬចង្កៀងគោមបញ្ឈរ មកដាក់កន្លែងផ្លូវចូល ដើម្បីបញ្ចៀសខ្សែភ្នែកចេញពីតុធ្វើការរបស់អ្នក វានឹងជួយបង្កើនអំណាចដល់អ្នក។ នៅខាងមុខតុធ្វើការ គួរមើលថែឱ្យបានស្អាតជាប់ជានិច្ច ដើម្បីឱ្យការងាររបស់លោកអ្នករលូនទៅមុខ ល្អ។
- ចំណែកខាងក្រោយរបស់តុធ្វើការ ជាកន្លែងដែលនឹងជួយបង្កើនរឿងកាងារ និងលុយកាក់របស់អ្នក គួរតែបែរខ្នងដាក់ជញ្ជាំងជានិច្ច។
ដើម្បីភាពស្ថិតស្ថេរគង់វង្សក្នុងមុខតំណែងការងារ ចូរយករូបថតពេលទទួលរង្វាន់ សញ្ញាបត្រ ឬឯកសារផ្សេងៗ ដែលបង្ហាញពីភាពជោគជ័យរបស់អ្នកមកដាក់ព្យួរតាំង ហើយបើខាងក្រោយតុធ្វើការរបស់អ្នក ជាជ្រុងបន្ទប់វិញ បើមានរបស់របរអ្វីនោះ គួររៀបចំឱ្យមានរបៀប និងត្រូវរក្សាភាពស្អាតជានិច្ច ព្រោះជឿថា នឹងជួយបង្កើនក្នុងរឿងលុយកាក់ឱ្យហូរចូលមក អាចក្លាយជាសេដ្ឋីបាន។
- កៅអីអង្គុយធ្វើការ
កៅអីដែលល្អ គួរមានបង្អែកខ្ពស់ អាចទ្រ និងពេញល្មមនឹងខ្នងរបស់អ្នក ហើយមានភ្នាក់ដៃដ៏ធំមាំ និងគួរឧស្សាហ៏ជូតសម្អាតកៅអីរបស់អ្នកឱឱ្យបានស្អាតជានិច្ច និងគួរមើលថែកន្លែងផ្សេងៗរបស់កៅអីឱ្យបានល្អ កុំឱ្យរលុងទ្រេតទ្រោត កង់កុំឱ្យជាប់គាំង ឬបាក់ ព្រោះកៅអីអង្គុយធ្វើការដែលរឹងមាំ នឹងជួយឱ្យការងាររបស់អ្នកស្ថិតស្ថេរគង់វង្សល្អ។
- អង្គប្រកបផ្សេងៗទៀត
គួរធ្វើឱ្យខ្យល់អាកាស និងបរិយាកាសក្នុងបន្ទប់ធ្វើការស្អាត ស្រស់ថ្លាជានិច្ច អាចយកប្រេងក្រអូប មកដាក់ក្នុងបន្ទប់ ឬបាញ់ស្ប្រៃយ៏ក្លិន
ក្រអូបដើម្បីបំបាត់ក្លឹនមិនល្អផ្សេងៗក៏បាន និងដើម្បីជួយបង្កើនកម្លាំងថាមពលដែលល្អ ជុំវិញក្នុងកន្លែងធ្វើការរបស់លោកអ្នក៕
