មិនថាគោលដៅរឿងការងាររបស់លោកអ្នក គឺជាភាពជោគជ័យ កេរ្ត៏ឈ្មោះ លុយកាក់ ឬក៏ជាអ្វីក៏ដោយ តែក្រៅពីខ្លួនរបស់លោកអ្នកផ្ទាល់ហើយ បច្ច័យផ្សេងៗនៅក្នុងការធ្វើការងារ ទាំងកិច្ចការងារ ឬមិត្តរួមការងារសុទ្ធតែជារឿងសំខាន់ទាំងអស់ ថ្ងៃនេះយើងនាំលោកអ្នកមករៀបចំតុធ្វើការ ដើម្បីបង្កើនហុងស៊ុយ ឲ្យការងាររបស់លោកអ្នកឈានទៅមុខ និងទទួលជោគជ័យវិញល្អជាង ។
1 . នៅលើតុធ្វើការ
- នៅលើតុផ្នែកខាងឆ្វេងមានន័យពីសមត្ថភាពនិងចំណេះ ដូច្នេះគួរដាក់សៀវភៅឯកសារផ្សេងៗ ដូចជា វចនានុក្រម ឯកសារច្បាប់ផ្សេងៗ ឬរបស់របរដែលអ្នកចាំបាច់ត្រូវប្រើញឹកញាប់ ដើម្បីបង្កើនចំណេះ និងសមត្ថភាពរបស់លោកអ្នកជាបន្តបន្ទាប់ ។
- ចំណែកខាងស្តាំគឺជាកន្លែងដែលពាក់ព័ន្ធនឹងស្នេហា សម្ព័ន្ធភាព អ្នកអាចយករូបថតក្រុមគ្រួសារ ឬមនុស្សដែលលោកអ្នកស្រឡាញ់មកដាក់តាំង នឹងធ្វើឲ្យសេចក្តីស្នេហារបស់អ្នករីកស្រស់បំព្រងឡើង ឬដាក់ថូផ្កាក៏ស្អាតមួយបែបដែរ តែផ្កាដែលដាក់ក្នុងថូគួរជាចំនួនលេខគូ ។
- ទីតាំងតុធ្វើការ
- មិនគួរបែរមុខតុធ្វើការឲ្យចំផ្លូវចូល ឬបែមុខរកជញ្ជាំងឡើយ ព្រោះនឹងធ្វើឲ្យអ្នកជួបតែឧប្បសគ្គ តែបើចៀសមិនរួច ដោយសារតុធ្វើការរបស់អ្នកនៅចំពីមុខ ឬបញ្ឆឹតនឹងមាត់ទ្វានោះ គួរយកផើងដែលមានដើមផ្កាខ្ពស់ ឬចង្កៀងគោមបញ្ឈរមកដាក់កន្លែងផ្លូវចូល ដើម្បីបញ្ចៀសខ្សែភ្នែកចេញពីតុធ្វើការរបស់អ្នក វានឹងជួយបង្កើនអំណាចដល់អ្នក ។ នៅខាងមុខតុធ្វើការ គួរមើលថែឲ្យបានស្អាតជាប់ជានិច្ចដើម្បីឲ្យការងាររបស់លោកអ្នករលូនទៅមុខ ។
- ចំណែកខាងក្រោយរបស់តុធ្វើការ ជាកន្លែងដែលនឹងជួយបង្កើនរឿងកាងារ និងលុយកាក់របស់អ្នក គួរតែបែរខ្នងដាក់ជញ្ជាំងជានិច្ច ។ ដើម្បីភាពស្ថឹតស្ថេរគង់វង្សក្នុងមុខតំណែងការងារចូរយករូបថតពេលទទួលរង្វាន់ សញ្ញាបត្រ ឬឯកសារផ្សេងៗដែលបង្ហាញពីភាពជោគជ័យរបស់អ្នកមកដាក់ព្យួរតាំង ហើយបើខាងក្រោយតុធ្វើការរបស់អ្នកជាជ្រុងបន្ទប់ បើមានរបស់របរអ្វីនោះគួររៀបចំឲ្យមានរបៀប និងត្រូវរក្សាភាពស្អាតជានិច្ច ព្រោះជឿថានឹងជួយបង្កើនក្នុងរឿងលុយកាក់ឲ្យហូរចូលមក អាចក្លាយជាសេដ្ឋីបាន ។
- . កៅអីអង្គុយធ្វើការ
- កៅអីដែលល្អ គួរមានបង្អែកខ្ពស់ អាចទ្រ និងពេញល្មមនឹងខ្នងរបស់អ្នក ហើយមានភ្នាក់ដៃដ៏ធំមាំនឹងគួរឪស្សាហ៏ជូតសម្អាតកៅអីរបស់អ្នកឲ្យស្អាតជានិច្ច និងគួរមើលថែរកន្លែងផ្សេងៗរបស់កៅអីឲ្យបានល្អ កុំឲ្យរលុងទ្រេតទ្រោត កង់កុំឲ្យជាប់គាំង ឬបាក់ ព្រោះកៅអីអង្គុយធ្វើការដែលរឹងមាំ នឹងជួយឲ្យការងាររបស់អ្នកស្ថឹតស្ថេរគង់វង្សល្អ ។
- . អង្គប្រកបផ្សេងៗទៀតគួរធ្វើឲ្យខ្យល់អាកាស និងបរិយាកាសក្នុងបន្ទប់ធ្វើការស្អាត ស្រស់ថ្លាជានិច្ច អាចយកប្រេងក្រអូបមកដាក់ក្នុងបន្ទប់ឬបាញ់ស្រ្បៃយ៏ក្លឹនក្រអូបដើម្បីបំបាត់ក្លឹនមិនល្អផ្សេងៗក៏បាន និងដើម្បីជួយបង្កើនកម្លាំងថាមពលដែលល្អជុំវិញក្នុងកន្លែងធ្វើការរបស់លោកអ្នក៕
Advertisement
