ផ្ទះណាៗក៏ដោយ មិនថាតូច ឬធំនោះទេ តែងតែមានបែងទីកន្លែងមួយជ្រុងទុកធ្វើជាកន្លែងសម្រាប់អង្គុយលេងសម្រាកលម្ហែ ដែលហៅថា “បន្ទប់អង្គុយលេង”។
បន្ទប់នេះមិនមែនត្រឹមតែជាចំណុចកណ្ដាលរបស់ផ្ទះដែលគ្រប់គ្នានឹងមកប្រើប្រាស់រួមគ្នា ដើម្បីអង្គុយសម្រាក ជជែកគ្នាលេងក្រោយពេលត្រឡប់មកផ្ទះវិញរាល់ថ្ងៃនោះទេ តែវាមានអត្ថន័យក្នុងន័យជាទីកន្លែងនៃសេចក្ដីសុខរបស់មនុស្សគ្រប់គ្នានៅក្នុងផ្ទះទៀតផង ដូច្នេះទើបគួរតែផ្ចិតផ្ចង់ក្នុងការតុបតែង និងមើលថែបន្ទប់អង្គុយលេងនេះឱ្យស្រស់ស្អាត ស្រឡះសប្បាយ ដើម្បីឱ្យគ្រប់វិនាទីដែលសមាជិកគ្រួសារមកអង្គុយនៅក្នុងបន្ទប់នេះបានទទួលបរិយាកាសដែលល្អ និងមានអារម្មណ៍ធូរស្រាលបំផុត។ ថ្ងៃនេះ ឡារ៉ែនមានគំរូបន្ទប់អង្គុយលេងដែលពេញទៅដោយអារម្មណ៍មិត្តភាព គួរឱ្យអង្គុយលេងដែលរៀបចំតុបតែងយ៉ាងងាយៗមកជម្រាបជូន។
ការរៀបចំបន្ទប់អង្គុយលេងក្នុងផ្ទះនាយុគសម័យថ្មីនេះ គេនឹងសង្កត់ធ្ងន់លើភាពសាមញ្ញ តែបង្កប់ដោយភាពលម្អិត ជាមិនិម៉លស៍ស្តាយល៍ដែលពេញបរិបូរណ៍ ដោយដាក់គ្រឿងសង្ហារិមគោលត្រឹមតែមួយប៉ុណ្ណោះ ដូចជា ឈុតកៅអីសាឡុងស្អាតៗ និងបន្ថែមដោយវត្ថុតុបតែងផ្ទះផ្សេងៗតាមតែចាំបាច់ ធ្វើឱ្យបរិយាកាសក្នុងបន្ទប់មើលទៅងាយៗសប្បាយៗ មានឱកាសដកដង្ហើមស្រួល មិននាំឱ្យស្អុះស្អាប់ ធុញថប់។
អង្គប្រកបដែលជាតួកំណត់បរិយាកាសដល់បន្ទប់អង្គុយលេងមាន 5 ផ្នែកចម្បងៗគឺ
– ពន្លឺដែលសមល្មម
– ឆាកខាងក្រោយដ៏គួរឱ្យចាប់អារម្មណ៍
– សម្ភារក្រាលកម្រាលផ្ទះ
– គ្រឿងសង្ហារិមដែលស៊ីគ្នានឹងស្ទីលបន្ទប់
– និងប្រឡោះខ្យល់ដែលជួយឱ្យខ្យល់អាកាសចេញចូលបានស្រួល
ទាំងអស់នេះសុទ្ធតែជាបេះដូងគ្រឹះសំខាន់ៗដែលប្រើការបានល្អជាមួយគ្រប់បន្ទប់ មិនថាតែបន្ទប់តូច ឬធំ ឬស្ទីលបែបណាក៏ប្រើបានដែរ។ បើធុញទ្រាន់បន្ទប់ដដែលៗ ក៏អាចផ្លាស់ប្ដូរអង្គប្រកបក្នុងបន្ទប់ ដែលនឹងផ្លាស់ប្ដូរអារម្មណ៍ក្នុងទិដ្ឋភាពរួមបានដែរ ដូចជា ប្ដូរកៅអីសាឡុង បិទវ៉លផេភើរថ្មី ឬចោះប្រឡោះពន្លឺបន្ថែម ជាដើម។ល៕
