ស្រឡាញ់គ្នា​បែបណា ឱ្យ​គូ​ស្នហ៍​ផ្សេងទៀត​នឹក​ច្រណែន?

សេចក្តីស្នេហា​ត្រូវ​ប្រើពេល​វេលា​ជា​គ្រឿង​ពិសោធ​ថា តើ​មនុស្ស​ម្នាក់​នោះ គេ​ត្រៀមខ្លួន​នឹង​មើលថែទាំ និង​យកចិត្តទុកដាក់​លើ​យើង​ច្រើន ឬ​តិច​ប៉ុនណា​ទៅ?  ព្រោះ​ពេលវេលា​ចំពោះ​មនុស្សម្នាក់ៗ ដែល​ត្រូវ​សិក្សា​មើលចិត្ត​មើល​ថ្លើម​គ្នា​នោះ មិន​ដូចគ្នា ហើយក៏​មិន​ស្មើគ្នា​ដែរ  ដូច្នេះហើយ តើ​យើង​ត្រូវធ្វើ​យ៉ាងណា​ទៅ ដើម្បីឱ្យ​សេចក្តីស្នេហា​របស់​យើង​ទាំងពីរ​នាក់ នៅតែ​ស្រឡាញ់គ្នា​ដូច​ពី​ដើម ដោយ​គ្មាន​ពេលវេលា ឬ​ភាព​ចន្លោះប្រហោង ចូលមក​ធ្វើឱ្យ​អ្នក​ទាំងពីរ​កើតមាន​ជម្លោះ​ឡើង​នោះ?

– ធ្វើ​ដូចជា​ទើបនឹង​ចាប់ផ្តើម​ស្គាល់គ្នាថ្មីៗ មិនថាតែ​អ្នក​ទើបតែ​រៀបការ​ជាមួយគ្នា​មក 6ខែ ឬ 6ឆ្នាំ​ហើយក៏​ដោយ ចូរ​សាកល្បង​រក​ពេលវេលា រឹតចំណង​អាពាហ៍ពិពាហ៍​ដោយ​ការបន្លំ ធ្វើ​ហាក់ដូចជា​ទើបនឹង​ស្គាល់គ្នាថ្មីៗម្តង​ទៅ​មើល៍ ដើម្បី​ជាការ​បញ្ជាក់បន្ថែម​ពី​ចំណង​ស្នេហ៍​បាន​យ៉ាង​ល្អ។

Advertisement

– ខ្សែភាពយន្ត​ស្នេហា​រ៉ូ​មែន​ទិ​ក​អាច​បំផ្លាញ​ជីវិត​ស្នេហ៍​របស់​អ្នក​បាន នៅពេលណា​ដែល​អ្នក​អារម្មណ៍​ថា ជីវិត​ស្នេហ៍​របស់​អ្នក ប្រព្រឹត្តទៅ​មិន​ដូច​នៅក្នុង​ខ្សែភាពយន្ត​ស្នេហា​ដែល​អ្នក​ពេញចិត្ត​នោះ ពេលនោះ​យើង​សូម​ប្រាប់ថា ជីវិត​ស្នេហ៍​របស់​អ្នក​ចាប់ផ្តើម​មាន​បញ្ហា​ហើយ។

– ទ្រឹស្តី​ភាព​ទាក់ទាញ​ខាង​រូប​កាយ ឬ​រូប​សម្ផស្ស មិនអាច​ប្រើការ​បាន​រហូត​នោះទេ  ដឹង​ទេ​ថា ពេលខ្លះ​ការរស់នៅ​ជាមួយ​មនុស្ស ដែលមាន​រូប​សម្ផស្ស​ធ​ម្មតាៗ គ្មានអ្វី​លេចធ្លោ​ជាពិសេស​នោះ គឺជា កូនសោ​ឆ្ពោះទៅរក​សម្ព័នភាព​ដ៏​យូរអង្វែង។

– ស្នេហា​មួយ​នេះ មិន​រាប់អាន​ស្រា​ទេ  ទោះជា​រស់នៅ​ចុះសម្រុង​គ្នា​ប៉ុនណា​ក៏ដោយ ព្រោះ​គូស្នេហ៍​ខ្លះ​ត្រូវ​បញ្ចប់​កណ្តាល​ទី ដោយសារតែ​ស្រា​ក៏មាន។

– ចូរ​ប្រើ​ធម៌​ត្រជាក់  បើសិន​នៅសុខៗ ស្រាប់តែ​ស្វាមី ឬ​ភរិយា​របស់​អ្នក​កើតក្តី​មួម៉ៅ​ក្រេវក្រោធ​យ៉ាងខ្លាំង ពេល​ត្រឡប់មក​ដល់ផ្ទះ និយាយ​ឡូឡា​រករឿង​ឥត​ឈប់  ជំនួស​ឱ្យ​ការដាក់ខ្លាំងៗតប​ទៅវិញ​នោះ សូមអ្នក​សាកល្បង​គិតថា គាត់​ច្បាស់​ជាមាន​បញ្ហា​ពី​កន្លែង​ណាមួយ​មកហើយ បានជា​មួម៉ៅ​ក្តៅក្រហាយ​ខ្លាំង​បែបនេះ។

– លេង​ហ្វេ​ស​ប៊ុ​ក​មានកំណត់ ព្រោះ​តាមរយៈ​លទ្ធផល​របស់​ការពិនិត្យ​នៅលើ​មនុស្ស​ជាច្រើន​ម៉ឺន​នាក់ បាន​សង្កេតឃើញថា បណ្តា​ពួក​អ្នក​ចូលចិត្ត​លេង​ហ្វេ​ស​ប៊ុ​ក​ទាំងឡាយ ច្រើនតែ​មានជីវិត​អាពាហ៍ពិពាហ៍ មិន​ស្ថិតស្ថេរ​យូរអង្វែង។

– ភាព​ស្មើភាព ក្នុង​ជីវិត​គូ  ព្រោះ​ពេលនេះនារីៗ និយម​មាន​ផ្នត់គំនិត​ដែល​គិតថា បុរស និង​ស្ត្រី ស្មើភាព​គ្នា មាន​សិទ្ធិ និង​តួនាទី​ក្នុង​កម្រិត​ដូចគ្នា​នោះ កំពុងតែ​ប្រែក្លាយ​ទៅជា​ភាព​រ៉ូ​មែន​ទិ​ក​បែប​ថ្មី​មួយទៀត ដែល​នារី​យុគ​សម័យនេះ​ត្រូវការ។

– បញ្ឈប់​ទង្វើ​ធ្វើ​ត្រាប់​តាម​គេ  មិន​ថា​ដឹងខ្លួន ឬ​មិនដឹង​ខ្លួន​ក៏ដោយ  ពេល​មនុស្ស​យើង​ខ្លះ​ឃើញ​មិត្តភក្តិ​ជិតស្និទ្ធ​លែងលះគ្នា​ជាមួយ​គូស្នេហ៍​នោះ  75% របស់​មនុស្ស​ស្រី ហ៊ាន​នឹង​ពោល​ពាក្យសុំ​លែង​ពី​គូស្នេហ៍​របស់ខ្លួន​ដូចគ្នា​ដែរ។

– កាន់​ញឹកញាប់ កាន់តែ​ល្អ  ជនជាតិ​អាមេរិក​ទូទៅ ច្រើន​មាន​សិច 2 – 3ដង​ក្នុង 1ខែ  តែ​ប្រទេស​យើង​កុំ​យក​ធ្វើជា​គំរូ​អី ព្រោះ​រឹតតែ​មាន​សិច​ញឹកញាប់ ជីវិត​អាពាហ៍ពិពាហ៍​របស់​អ្នក នឹង​រឹតតែ​ស្អិតល្មួត​ឡើង​យ៉ាងពិត​ប្រាកដ ជឿ​ចុះ!៕

Advertisement