ប្រយោជន៍​របស់​វីតាមីន B…ដែល​យើង​មិនគួរ​មើលរំលង

ប្រហែលជា​ដឹងខ្លះៗហើយ​មែន​ទេ​ថា  វីតាមីន B មាន​ទាំងអស់​ច្រើនយ៉ាង​ណាស់ ហើយ​សួរថា តើ វីតាមីន B មួយណា​មាន​ប្រយោជន៍​បែបណា  និង​ច្រើន​មាននៅ​ក្នុង​អាហារ​ប្រភេទ​ណាខ្លះ​ទៅ?  យើង​នាំគ្នា​តាមដាន​ដូចតទៅ…៖

  1. វីតាមីន B រួម :  ជួយ​បង្កើន​សារធាតុ​ឆ្លើយឆ្លង​ប្រព័ន្ធ​ខួរក្បាល  ល្អ​សម្រាប់​អ្នក​ដែល​ត្រូវការ​បំប៉ន​ខួរក្បាលប្រព័ន្ធ​ការចងចាំ  ឬ​សម្រាប់​អ្នក​ដែល​ស្ថិតក្នុង​សភាវ​តានតឹង និង​ធុញថប់។
  1. វីតាមីន B 1 :  ជួយ​បង្កើន​ការដុត​បំផ្លាញ ខា​បូ​ហាយ​ដ្រេ​ត យកទៅ​ប្រើប្រាស់​ជា​ថាមពល  បង្កើន​ប្រព័ន្ធ​ការធ្វើការងារ​របស់​ប្រព័ន្ធ​ប្រសាទ បេះដូង  ប្រព័ន្ធ​រំលាយ​អាហារ ជួយ​ការពារ​រោគ​ស្ពឹក​ស្រពន់  មាន​ច្រើន​នៅក្នុង​បន្លែ​គ្រាប់​ធញ្ញជាតិ អង្ក​របុក​ដៃ  និង​សណ្តែកផ្សេង។
  2. វីតាមីន B 2 : ពាក់ព័ន្ធ​នឹង​ការដកដង្ហើម​របស់​កោសិកា  ប្រព័ន្ធ​ការមើលឃើញ  ស្បែក  និង​សាច់​ស្រទាប់ផ្សេងៗ បើ​ខ្វះ​វិ​តា​មីន B 2 នឹងធ្វើ​ឱ្យ​កើត​ជំងឺ​ដំបៅ​រីក​នៅគែមៗមាត់។ វិ​តា​មីន B 2 ឃើញ​មាន​ច្រើន​នៅក្នុង​បន្លែ​ស្លឹក​បៃតង យ៉ា​អួ ទឹកដោះ និង​ស៊ុត។ល។
  1. វីតាមីន B 3  :  កាត់បន្ថយ​ភាព​ប្រឈម​នឹង​ការកើត​ជំងឺ​បេះដូង  កូ​លេ​ស្តេ​រ៉ូ​ល​ឡើង​ខ្ពស់  បន្ថយ​ការកើត​មុន​ក្រហម។  វីតាមីន B 3 គេ​ឃើញ​មាន​ច្រើន​នៅក្នុង សាច់សត្វ  ស៊ុតមាន់  ចុងអង្ករ។ល។
  2. វីតាមីន B 5  :  កាត់បន្ថយ​អាកា​រគេង​មិន​លក់  បន្ធូរ​អាការ​រលា​កស​ន្លា​ក់  វិ​តា​មីន B 5 ឃើញ​មាន​ច្រើន​នៅក្នុង គ្រាប់ល្ង  ផ្លែ​ប៊័រ  និង​ដំណាប់​ផ្លែ​អ៊ែ​ព្រីខ​ត់។
  1. វីតាមីន B 6  :  ជួយ​បង្កើន​ភាពស៊ាំ​នឹង​ជំងឺ  និង​កោសិកា​គ្រាប់​ឈាមក្រហម  រួមទាំង​បន្ធូរបន្ថយ​អាការ​ខាង​ប្រព័ន្ធ​ប្រសាទ  ថែរ​រក្សា​សភាព​ស្បែក​ឱ្យនៅ​ស្អាត​ប្រក្រតី  បើ​ខ្វះ​វីតាមីន B 6 នឹងមាន​អាការ​អស់កម្លាំង​ល្វើយ  ស្ពឹក​ស្រពន់​ចុងដៃ ចុងជើង។  វីតាមីន B 6 ឃើញ​មាន​ច្រើន​នៅក្នុង​សាច់​ត្រី  សាច់សត្វ។ល។
  2. វីតាមីន B 12  :  ជួយ​បង្កើន​គ្រាប់​ឈាម  ការធ្វើការងារ​របស់​ប្រព័ន្ធ​ប្រសាទ​ផ្នែក​កណ្តាល  ជួយ​ក្នុងការ​បឺត​ជ្រាប​របស់​សារធាតុ​អាហារ  គេ​ឃើញ​មាន​ច្រើន​នៅក្នុង ប៊័រ និង​សាច់សត្វ។

ឃើញ​គុណប្រយោជន៍ច្បាស់ៗ របស់​វីតាមីន B នីមួយៗរួចរាល់​ហើយ  ចូរ​កុំ​មើលរំលង​អាហារល្អៗ ដែលបាន​ណែនាំ​ខាងលើ​នោះ​ឱ្យសោះ​ណា៎៕

Advertisement