ហាងទំនិញនៅជប៉ុន ដាក់បដា “ហាមជនជាតិចិន” មិនឱ្យចូលទិញ ព្រោះខ្លាច…

January 23, 2020​ ម៉ោង 11:10 am

ជប៉ុន៖ ហាងទំនិញមួយនៅក្នុងតំបន់ Hakone ត្រូវបានគេរិះគន់យ៉ាងខ្លាំង ដោយសារតែបានដាក់តាំងបដាមួយផ្ទាំងនៅខាងមុខហាង ដែលមានសរសេរថា “ហាមជនជាតិចិន” ដោយសារព្រួយបារម្ភខ្លាចឆ្លងជម្ងឺរលាកសួតប្រភេទថ្មី មានប្រភពពីប្រទេសចិនដែលកំពុងរាតត្បាត និងរីករាលដាលយ៉ាងឆាប់រហ័សនាពេលបច្ចុប្បន្ន។

នៅលើបដានោះរៀបរាប់ថា “ជនជាតិចិនមិនត្រូវបានអនុញ្ញាតឱ្យចូលហាង។ ខ្ញុំមិនចង់ឆ្លងមេរោគ”។ ម្ចាស់ហាងរូបនេះបានប្រាប់អ្នកយកព័ត៌មានរបស់សារព័ត៌មានប្រចាំថ្ងៃ Asahi ថា គាត់បានប្រើកម្មវិធីបកប្រែអនឡាញដើម្បីសរសេរអក្សរលើបដានេះ និងបានអះអាងថា “ខ្ញុំគ្រាន់តែចង់ការពារខ្លួនពីមេរោគប៉ុណ្ណោះ”។

អ្នកនាំពាក្យនៃមជ្ឈមណ្ឌលព័ត៌មានទេសចរណ៍ Hakone បានឱ្យដឹងថា ខ្លួនបានទទួលព័ត៌មាននេះហើយ និងមានការសោកស្ដាយចំពោះខ្លឹមសារនៃបដានោះ។

Hakone ជា​តំបន់​ដែល​មាន​ភ្ញៀវ​ទេស​ចរណ៍​បរទេស​មក​ទស្សនា​ជា​ច្រើន​ហូរ​ហែ ពិសេស​ជន​ជាតិ​

សាស្ត្រាចារ្យផ្នែកច្បាប់នៃសកលវិទ្យាល័យ Aoyama Gakuen បានឱ្យដឹងថា ម្ចាស់ហាងនេះមិនបានបំពានច្បាប់ទេ ព្រោះថា នៅប្រទេសជប៉ុនពុំមានច្បាប់ណាមួយចែងលម្អិតអំពីសកម្មភាពបែងចែកបែបនេះថា ជាអំពើខុសច្បាប់ឡើយ។

អ្នកនាំពាក្យខាងលើបាននិយាយថា នៅតំបន់ Hakone មានភ្ញៀវទេសចរចិនយ៉ាងច្រើន ហើយទីនេះក៏ជាតំបន់ល្បីឈ្មោះដែលពួកគេ(ជនជាតិចិន)មកលេង ព្រោះវានៅមិនឆ្ងាយពីក្រុង Tokyo ប៉ុន្មាន។ អ្នកនាំពាក្យរូបនេះក៏បានផ្ញើសម្ដី “សុំទោស” ជំនួសម្ចាស់ហាងខាងលើ ទៅកាន់ភ្ញៀវទេសចរជនជាតិចិនផងដែរ។

បដាមួយដែលម្ចាស់ហាងនៅក្នុងតំបន់ Hakone ក្នុងខេត្ត Kanagawa មានសរសេរថា “ហាមជនជាតិចិន”

ក្រសួងសុខាភិបាលជប៉ុន ថ្មីៗនេះបានបញ្ជាក់ថា មានករណីឆ្លងមេរោគរលាកសួតថ្មី Wuhan ត្រឹមតែ 1ករណីប៉ុណ្ណោះ។ ប្រទេសនេះក៏កំពុងតែដុតដៃដុតជើងក្នុងការបង្ការ និងទប់ស្កាត់ការឆ្លងរាលដាលនៃមេរោគរលាកសួត Wuhan ដ៏គួរឱ្យខ្លាចនេះដែរ៕

ប្រភព៖ សារព័ត៌មានបរទេស