ក្រសួង​សុខាភិបាល​កម្ពុជា​​ប្ដូរ​ពេលវេលា​​ប្រកាស​លទ្ធ​ផល​នៃ​ការ​ធ្វើ​តេស្ត​ COVID-19 ​ពី​យប់​ទៅ​ព្រឹក​

ក្រសួង​សុខាភិបាល​កម្ពុជា​ថ្មី​ៗ​នេះ​បាន​ប្រកាស​ថា​ ក្រសួង​នេះ​នឹង​ចេញ​សេចក្ដី​ប្រកាស​ព័ត៌មាន​អំពី​ស្ថាន​ភាព​បញ្ហា​វិបត្តិ​សុខ​ភាព​ COVID-19 នៅ​ក្នុង​ប្រទេស​ នៅ​ចម្លោះ​ម៉ោង​9-10​ព្រឹក​រៀង​រាល់​ថ្ងៃ​។

ក្រសួង​សុខាភិបាល​ក៏បាន​ឱ្យ​ដឹង​ដែរ​ថា គិត​ត្រឹម​ថ្ងៃ​នេះ កម្ពុជា​មាន​អ្ន​ឆ្លង​មេរោគ​កូរ៉ូណា​ COVID-19 ចំនួន​98​នាក់​ ក្នុង​នោះ​មាន​11​នាក់​បាន​ជា​សះស្បើយ​ និង​87​នាក់​ទៀត​កំពុង​ទទួល​ការ​ព្យាបាល​នៅ​មន្ទីរពេទ្យ​។

ក្នុង​ចំណោម​អ្នក​ដែល​បាន​ឆ្លង​វីរុស​COVID-19ទាំង​អស់ គឺ​មាន​36​ករណី​បានរកឃើញ​នៅ​ខេត្ត​ព្រះសីហនុ 15ករណី​នៅ​ខេត្ត​កំពង់​ចាម 13ករណី​នៅ​ភ្នំ​ពេញ 8ករណី​នៅ​បាត់​ដំបង 5ករណី​នៅ​ខេត្ត​សៀម​រាប រួម​នឹង​ករណី​មួយចំនួន​ទៀត​ត្រូវ​បាន​រកឃើញ​នៅ​ក្នុង​ខេត្ត​ផ្សេង​ៗ​។