COVID-19! ជប៉ុន​ប្រកាស​អាសន្ន​!

នាយក​រដ្ឋ​មន្ត្រី​ជប៉ុន លោក Shinzo Abe បាន​ប្រកាស​ស្ថាន​ភាព​អាសន្ន​ដែល​មាន​រយៈ​ពេល​1ខែ​សម្រាប់​រាជធានី​ Tokyo និង​តំបន់​ចំនួន​6​ផ្សេង​ទៀត​ ខណៈ​ដែល​ករណី​ឆ្លង​COVID-19 បាន​ និង​កំពុង​កើន​ឡើង​ខ្លាំង​។

វិធាន​ការ​នេះ​នឹង​មិន​ភ្ជាប់​ជាមួយ​បម្រាម​គោចរ​នោះ​ទេ ប៉ុន្តែ​នឹង​អនុញ្ញាត​ឱ្យ​អាជ្ញាធរ​ខេត្ត​នៅ​មូល​ដ្ឋាន​ មាន​សិទ្ធិ​ស្នើឱ្យ​ពលរដ្ឋ​នៅ​តែ​ក្នុង​ផ្ទះ​ ក៏ដូចជា​បិទ​ដំណើរ​ការ​អាជីវ​កម្ម​បណ្ដោះ​អាសន្ន​បាន។

ការ​សម្រេច​ចិត្ត​ប្រកាស​អាសន្ន​នេះ​ ធ្លាប់​ត្រូវ​បាន​នាយក​រដ្ឋ​មន្ត្រី​ជប៉ុន​រំឭក​នៅ​ក្នុង​កិច្ច​ប្រជុំ​មួយ​កាល​ពី​ម្សិល​មិញ​ បន្ទាប់​ពី​តួលេខ​នៃ​ការ​ឆ្លង​មេរោគ​ COVID-19 នៅ​ឯរាជ​ធានី​ Tokyo បាន​កើន​លើស​ពី​1,000​នាក់។ លោក Abe ក៏បាន​ឱ្យ​ដឹង​ថា រាជ​រដ្ឋាភិបាល​ក៏នឹង​ស្នើ​បញ្ចេញ​កញ្ចប់​ថវិកា​ជំនួយ​ដែល​មិន​ធ្លាប់​មាន​ពី​មុន​មក​ ដោយ​វា​មាន​ទំហំ​ទឹក​ប្រាក់1លាន​លាន​ (1,000​,000,000,000​​​) ដុល្លារ​អាមេរិក ដើម្បី​កាត់​បន្ថយ​ការ​ខាត​បង់​សេដ្ឋកិច្ច​ដោយ​សារ​ COVID-19៕

ប្រភព៖ សារ​ព័ត៌មាន​បរទេស

Advertisement