វីរបុរសវេជ្ជបណ្ឌិត សម័យ​មេរោគ​SARS​ អះអាង​ថា បើគ្មានវ៉ាក់​សាំងការពារ ចិនមិនអាចនៅសុខបានទេ…

វីរបុរសវេជ្ជបណ្ឌិត សម័យមេរោគSARS អះអាងថា បើគ្មានវ៉ាក់សាំងការពារ ចិនមិនអាចនៅសុខបានទេ...

កាលពីថ្ងៃទី17 ឧសភា លោកវេជ្ជបណ្ឌិត ចុង ណានសាន អគ្គទីប្រឹក្សាផ្នែកវេជ្ជសាស្ត្ររបស់រដ្ឋាភិបាលចិន អ្នកដែលត្រូវបានទទួលស្គាល់ថាជាវីរបុរសកាលពីសម័យមេរោគសារស៍ រាតត្បាតនៅឆ្នាំ2003 បានផ្ដល់បទសម្ភាសជាមួយ CNN ទីភ្នាក់ងារព័ត៌មានធំបំផុតរបស់សហរដ្ឋអាមេរិក ដោយបានព្រមានថា ការខ្វះប្រព័ន្ធការពារមេរោគ នឹងធ្វើឱ្យចិនប្រថុយប្រថាននឹងការឆ្លងរាតត្បាតរបស់មេរោគកូវីដ-19 ជាថ្មីម្ដងទៀត ដែលនេះជាក្ដីព្រួយបារម្ភដ៏ធំមួយ។

“ការខ្វះប្រព័ន្ធការពារមេរោគកូវីដ-19 គឺជាបញ្ហាធ្ងន់ធ្ងរ ចិនត្រូវតែប្រញាប់អភិវឌ្ឍវ៉ាក់សាំងការពារមេរោគនេះតទៅទៀត ដោយមានវ៉ាក់សាំង 3ប្រភេទនៅក្នុងប្រទេសចិននាពេលបច្ចុប្បន្ននេះ កំពុងស្ថិតក្នុងដំណាក់កាលសាកខុស សាកត្រូវនៅឡើយ។ ចំណែកវ៉ាក់សាំងដែលល្អឥតខ្ចោះ ទំនងជាត្រូវប្រើពេលវេលាច្រើនឆ្នាំទៀត”

វីរបុរសវេជ្ជបណ្ឌិត សម័យមេរោគSARS អះអាងថា បើគ្មានវ៉ាក់សាំងការពារ ចិនមិនអាចនៅសុខបានទេ...
Dr. Zhongnan San / CGTN

សម្រាប់តួលេខ អ្នកឆ្លងមេរោគវីរុសកូរ៉ូណាប្រភេទថ្មីរបស់ប្រទេសចិនមានជាង 82,000នាក់ ស្លាប់យ៉ាងតិច 4,633នាក់។ ការរស់នៅរបស់ប្រជាជាននៅក្នុងប្រទេសចិនបានវិលត្រឡប់ទៅរកសភាពប្រក្រតីវិញជាបណ្ដើរៗ បន្ធូរបន្ថយការបិទទីក្រុង ហើយសាលារៀន និងរោងចក្រមួយចំនួនត្រូវបានបើកឡើងវិញ តែយ៉ាងណាក្ដី នៅឯមណ្ឌលជីលីន រដ្ឋបាលក្នុងតំបន់ នៅត្រូវបង្ខាំងប្រជាជនយ៉ាងតិច 8,000នាក់ ឱ្យនៅដាច់ដោយឡែក ដើម្បីពិនិត្យមើលមេរោគនៅឡើយ។

លោកវេជ្ជបណ្ឌិត ចុង ថ្លែងថា អាជ្ញាធរចិន មិនគួរព្រងើយកន្តើយឡើយ ដោយសារតែគ្រោះថ្នាក់ពីការឆ្លងមេរោគរលកទី2 ដែលកំពុងបង្ហាញខ្លួនយ៉ាងទូលំទូលាយជាបណ្ដើរៗហើយ តាមរយៈករណី ក្លាស្ទើរ ឬក្រុមថ្មីនៃអ្នកឆ្លងមេរោគកូវីដ-19 បានបង្ហាញខ្លួនឡើងទូទាំងប្រទេសចិនក្នុងអំឡុង 2-3សប្ដាហ៍កន្លងទៅនេះ ដែលមិនមែនមានតែនៅជីលីនប៉ុណ្ណោះទេ តែរួមទាំងទីក្រុងវូហាន មណ្ឌលហ៊ូពេយ មណ្ឌលកណ្ដាលនៃការឆ្លងរាលដាលដំបូងគេនៅក្នុងប្រទេសចិន និងរួមទាំងមណ្ឌលហ៊ើយ ចៀងលង់ ទៀតផង។

វីរបុរសវេជ្ជបណ្ឌិត សម័យមេរោគSARS អះអាងថា បើគ្មានវ៉ាក់សាំងការពារ ចិនមិនអាចនៅសុខបានទេ...លោកវេជ្ជបណ្ឌិត ចុង បានបន្តថា “ពលរដ្ឋចិនភាគច្រើនក្នុងអំឡុងពេលនេះ នៅតែទន់ជ្រាយចំពោះការឆ្លងមេរោគកូវីដ-19 នៅឡើយ ដោយសារតែខ្វះប្រព័ន្ធការពារមេរោគ…ខ្ញុំគិតថា ពេលនេះយើងកំពុងតែប្រឈមនឹងការសាកល្បងដ៏ធំមួយ ដែលវាមិនបានល្អជាងប្រទេសក្រៅប៉ុន្មានឡើយ”

លោកវេជ្ជបណ្ឌិត ចុង បានទទួលការតែងតាំងជាអ្នកដឹកនាំការតស៊ូប្រឆាំងនឹងមេរោគកូវីដ-19 នៅក្នុងប្រទេសចិន ជាពិសេសនៅក្នុងការឆ្លងរាតត្បាតដំណាក់កាលដំបូងៗ តាំងពីថ្ងៃទី20 មករាមក លោកវេជ្ជបណ្ឌិត បានអះអាងតាមរយៈស្ថានីយទូរទស្សន៍ CCTV ថា វីរុសកូរ៉ូណាប្រភេទថ្មី2019 អាចចម្លងតាមរយៈមនុស្សទៅមនុស្សបាន តែនៅពេលនោះក្រុមមន្ត្រីសាធារណៈសុខាភិបាលក្នុងតំបន់របស់ទីក្រុងវូហាន មិនទាន់បានអះអាងពីការចម្លងពីមនុស្សទៅមនុស្សនៅឡើយ។

វីរបុរសវេជ្ជបណ្ឌិត សម័យមេរោគSARS អះអាងថា បើគ្មានវ៉ាក់សាំងការពារ ចិនមិនអាចនៅសុខបានទេ...ក្នុងឋានៈជាប្រធានក្រុមអ្នកជំនាញការ ដែលតែងតាំងដោយគណៈកម្មាធិការផ្នែកសុខភាពនៃប្រទេសចិន លោកវេជ្ជបណ្ឌិត ចុង បានចុះទៅទីក្រុងវូហាន នៅថ្ងៃទី18 មករា និងបានបញ្ជាក់ថា ក្នុងខណៈនោះ លោកបានទទួលទូរស័ព្ទជាច្រើនខ្សែពីគ្រូពេទ្យ និងកូនសិស្សរបស់លោកជាច្រើននាក់ ដែលបានប្រាប់លោកថា ស្ថានការណ៍អាក្រក់ខ្លាំងជាងខាងរដ្ឋបាលក្នុងតំបន់ រាយការណ៍ទៅទៀត។

វីរបុរសវេជ្ជបណ្ឌិត សម័យមេរោគSARS អះអាងថា បើគ្មានវ៉ាក់សាំងការពារ ចិនមិនអាចនៅសុខបានទេ...លោកថ្លែងថា “អាជ្ញាធរក្នុងតំបន់ ក្នុងអំឡុងពេលនោះ ពួកគេមិនត្រូវការនិយាយការពិតទេ ហើយក្នុងអំឡុងពេលចាប់ផ្ដើមដំបូងៗ ក្រុមអាជ្ញាធរបានសម្ងំនៅស្ងៀម តែខ្ញុំបាននិយាយឡើងថា អ្នកឆ្លងមេរោគអាចមានចំនួនច្រើនជាងក្នុងរបាយការណ៍ ព្រោះតែនឹកសង្ស័យឡើងថា តាមរយៈការសង្កេតមើលតួលេខដែលរដ្ឋបាលតំបន់រាយការណ៍ពីស្ថានការណ៍នៅវូហាន នៅពេលនោះមានអ្នកជំងឺតែ 41នាក់ដដែលៗ រយៈពេល10ថ្ងៃ ទាំងដែលបាតុភូតឆ្លងរាលដាលនៅក្រៅប្រទេស បានកើតឡើងទៅហើយ”

វីរបុរសវេជ្ជបណ្ឌិត សម័យមេរោគSARS អះអាងថា បើគ្មានវ៉ាក់សាំងការពារ ចិនមិនអាចនៅសុខបានទេ...លោកវេជ្ជបណ្ឌិត ចុង បានបន្ថែមថា “ខ្ញុំមិនជឿតួលេខចំនួនអ្នកឆ្លងមេរោគនោះទេ ដូច្នេះទើបខ្ញុំតែងសាកសួរជាប់ជានិច្ចថា អ្នកត្រូវប្រាប់តួលេខអ្នកឈឺពិតប្រាកដមកខ្ញុំ…ខ្ញុំគិតថា ពួកគេនៅស្ទាក់ស្ទើរខ្លាំងណាស់ក្នុងការឆ្លើយនឹងសំណួររបស់ខ្ញុំ”។

2ថ្ងៃ តមក វូហាន រាយការណ៍ថា មានអ្នកឆ្លងមេរោគខណៈពេលនេះចំនួន 198នាក់ ស្លាប់ 3នាក់ និងមន្ត្រីពេទ្យឆ្លងមេរោគ 13នាក់…តមក យើងបានរៀបចំការប្រជុំក្រុមមន្ត្រីរដ្ឋបាលមជ្ឈិមប៉េកាំង រួមទាំងលោក លី ខឺ ឈាង នាយករដ្ឋមន្ត្រីចិនរួមជាមួយផងដែរ ទើបលោកវេជ្ជបណ្ឌិតលើកសំណូមពរឱ្យបិទទីក្រុងវូហាន ដើម្បីទប់ស្កាត់ការឆ្លងរាលដាលរបស់មេរោគវីរុសដ៏សាហាវនេះ។

វីរបុរសវេជ្ជបណ្ឌិត សម័យមេរោគSARS អះអាងថា បើគ្មានវ៉ាក់សាំងការពារ ចិនមិនអាចនៅសុខបានទេ...តមកទៀត ទីក្រុងវូហានត្រូវបានបិទ 100%នៅថ្ងៃទី23 មករា ជាហេតុការណ៍ដែលមិនធ្លាប់កើតមានឡើងពីមុនមក។ រហូតមកដល់ថ្ងៃទី27 មករា ទើបលោកចូ សៀន វ៉ាង អភិបាលក្រុងវូហាន ទទួលស្គាល់ថា រដ្ឋបាលក្នុងតំបន់របស់ខ្លួន បានបិទបាំងព័ត៌មានវីរុសឆ្លងរាលដាលចំពោះប្រជាជន តាមដែលបានធ្វើតាមៗគ្នាមក និងថា រដ្ឋបាលក្នុងតំបន់អាចបង្ហើបប្រាប់ពីព័ត៌មាននេះបាន លុះត្រាតែមានការអនុញ្ញាតជាមុន។

យ៉ាងណាក្ដី សម្រាប់ការសង្ស័យដែលថា ស្ថិតិរបស់រដ្ឋបាលចិន នៅតែមិនគួរឱ្យជឿជាក់ដដែល បើទោះជារដ្ឋបាលមជ្ឈិមប៉េកាំង បានចុះមកគ្រប់គ្រងដោយខ្លួនឯងក្នុងអំឡុងចុងខែមករាក្ដី រួមទាំងការតាំងសំណួរដែលបង្ហាញពីការមិនទុកចិត្តអំពីលោក ដូណាល់ ត្រាំ មេដឹកនាំសហរដ្ឋអាមេរិកផងនោះ លោកវេជ្ជបណ្ឌិត ចុង បានបដិសេធថា មិនមែនដូច្នោះទេ។

លោកវេជ្ជបណ្ឌិតថ្លែងថា “រដ្ឋបាលចិន បានទទួលមេរៀនពីអំឡុងពេលដែលមេរោគសារស៍រាតត្បាតរួចមកហើយ ដែលនៅពេលនោះចិនបានបិទបាំងការឆ្លងរាតត្បាតប្រមាណជា 2 ឬ 3ខែ តែលើកនេះ រដ្ឋបាលចិនបានប្រកាសថា គ្រប់ទីក្រុង គ្រប់សហគមន៍ គួរតែរាយការណ៍ពីតួលេខពិត បើសិនមិនធ្វើតាម នឹងត្រូវដាក់ទោស ដូច្នេះខ្ញុំគិតថា តាំងពីថ្ងៃទី23 មករាមក គ្រប់ព័ត៌មាន សុទ្ធតែត្រឹមត្រូវ”

វីរបុរសវេជ្ជបណ្ឌិត សម័យមេរោគSARS អះអាងថា បើគ្មានវ៉ាក់សាំងការពារ ចិនមិនអាចនៅសុខបានទេ...

អ្នកជំនាញការល្បីឈ្មោះរបស់ចិនរូបនេះ ថែមទាំងបានបដិសេធទ្រឹស្ដីដែលលោកដូណាល់ ត្រាំ និងលោកម៉ៃក៍ ប៉ុមប៉េអូ រដ្ឋមន្ត្រីការបរទេសសហរដ្ឋអាមេរិក ព្យាយាមវាយប្រហារចិនថា វីរុសនេះកើតឡើងនៅក្នុងមន្ទីរពិសោធន៍វូហាននោះទៀតផង។

លោកថ្លែងថា “កាលនោះ ខ្ញុំបានសួរបញ្ជាក់លោកស្រី ស៊ឺ ជឹង លី អ្នកជំនាញខាងជំងឺរាតត្បាតនៅឯស្ថាប័នជំងឺរាតត្បាតវិទ្យារបស់វូហាន លោកស្រីជាមិត្តភក្តិដ៏ល្អរបស់ខ្ញុំ។ លោកស្រីប្រាប់ថា ការចោទប្រកាន់ដែលសង្ស័យថា មេរោគវីរុសនេះកើតឡើងនៅក្នុងបន្ទប់ពិសោធន៍ដោយឧប្បត្តិហេតុនោះ គឺជារឿងផ្ដេសផ្ដាស់ វាគ្មានអ្វីបែបនោះទេ និងដោយឧបករណ៍ជំនួយភាពងាយស្រួលទាំងឡាយ និងបុគ្គលិកនៅទីនោះ វាមិនអាចទៅរួចសោះឡើយ ដែលថាមានការសាងវីរុសឡើងបាននៅក្នុងពេលនោះ”

នៅដើមខែកុម្ភៈ មានមន្ត្រីពីក្រុមគ្រប់គ្រងរោគពីផ្នែកមជ្ឈិមរបស់ចិន បានទៅត្រួតពិនិត្យបន្ទប់ពិសោធន៍របស់វូហាន អស់រយៈពេល 2សប្ដាហ៍ តែក៏រកមិនឃើញមានអ្វីខុសប្រក្រតីឡើយ៕

ប្រភព៖ សារព័ត៌មានបរទេស

ប្រែសម្រួលដោយ តាវ៉ែនតា

Advertisement