តើរាងកាយរបស់យើងត្រូវការទឹកប៉ុន្មាន?

នៅក្នុងរាងកាយរបស់មនុស្សយើងមានទឹកជាចំណែកប្រកបច្រើនដល់ទៅ 70 % ឯណោះ ដូច្នេះបើរាងកាយខ្វះទឹក នឹងអាចសាងបញ្ហាដល់ប្រព័ន្ធការពារក្នុងរាងកាយបាន ទើបរឿងការញ៉ាំទឹកស្អាតក្នុងមួយថ្ងៃមិនតិចជាង 6 កែវក្លាយជារឿងសំខាន់មួយដែលមនុស្សគ្រប់គ្នាប្រហែលជាដឹងច្បាស់ស្រាប់ហើយ តែបែរជាព្រងើយកន្តើយក្នុងការផ្តល់ភាពសំខាន់ចំពោះរឿងនេះទៅវិញ។ ថ្ងៃនេះ ឡារ៉ែននឹងបបួលមិត្តអ្នកអាននាំគ្នាមកញ៉ាំទឹក តែមុននឹងងាកទៅចាប់កែវទឹកមកញ៉ាំ ឡារ៉ែនចង់បបួលទាំងអស់គ្នាមកមើលថា តើហេតុអីបានជាយើងត្រូវតែញ៉ាំទឹក និងតើយើងត្រូវញ៉ាំទឹកប៉ុន្មានទើបគ្រប់គ្រាន់ចំពោះរាងកាយរបស់យើង?។

វិធីការគឺ ចូរយកទម្ងន់ខ្លួនរបស់យើងមកចែកនឹង 2 ហើយយកទៅចែកនឹង 8 នឹងឃើញចំនួនបរិមាណទឹក 8 កែវសម្រាប់បរិភោគក្នុងមួយថ្ងៃ។

ឧទាហរណ៍ដូចជា បើលោកអ្នកមានទម្ងន់ខ្លួន 50 គីឡូក្រាម បើចែកនឹង 2 យើងនឹងទទួលបានផលចែក 25 រួចហើយយកទៅចែកនឹង 8 នឹងបានផលចែក 3,125 មានន័យថា លោកអ្នកត្រូវតែញ៉ាំទឹកក្នុងមួយថ្ងៃមិនតិចជាង 3,125 លិត្រនោះទេ ដោយបែងជា 8 កែវ ហើយញ៉ាំជារឿយៗពេញមួយថ្ងៃ តែប៉ុណ្ណឹងរាងកាយក៏នឹងទទួលបានទឹកយ៉ាងពេញទំហឹងហើយ។

ឥលូវនេះយើងនាំគ្នាមកមើលថា ក្នុងរាងកាយរបស់យើងនេះ តើអវយវៈខាងក្នុងណាខ្លះដែលមានទឹកជាចំណែកប្រកបច្រើន ឬតិចប៉ុនណា ធានាថានៅពេលមិត្តអ្នកអានបានដឹងហើយ ច្បាស់ជាត្រូវប្រញាប់ក្រោកឡើងទៅញ៉ាំទឹកជាមិនខាន។

– ខួរក្បាល មានទឹក 75 %

– ឈាម មានទឹក 85 %

– សួត មានទឹក 90 %

– ស្បែក មានទឹក 80 %

– ឆ្អឹង មានទឹក 24 %

– សាចដុំ មានទឹក 75 %

បានដឹងដូច្នេះហើយ សូមកុំបង្អង់យូរ ដើម្បីសុខភាពរាងកាយ និងសាច់ឈាមស្រស់ថ្លា ត្រូវប្រញាប់ក្រោកទៅញ៉ាំទឹកឱ្យបានគ្រប់គ្រាន់តាមតំរូវការរបស់រាងកាយ៕

Advertisement