កម្ពុជា​រក​​ឃើញ​​អ្នក​​ផ្ទុក​​Covid-19 ​ចំនួន​​1​ករណី​​ទៀត​​ហើយ

កម្ពុជា​រក​ឃើញ​អ្នក​ផ្ទុក​Covid-19 ចំនួន​1ករណី​ទៀត​ហើយ

ក្រសួង​សុខាភិបាល​កម្ពុជា​ នា​ព្រឹក​ថ្ងៃទី​27​​តុាលា​នេះ បាន​ប្រកាស​ឱ្យ​ដឹង​ថា បាន​រកឃើញ​អ្នក​ផ្ទុក​វីរុស​Covid-19 ចំនួន​1​ករណី​បន្ថែម​ទៀត​ ដែល​នេះ​បាន​កើត​ឡើង​ចំពោះ​ស្ត្រី​ជន​ជាតិ​បារាំង​។

តាម​រយៈ​ទំព័រ Facebook និង​គេហទំព័រ​របស់​ខ្លួន ក្រសួង​សុខាភិបាល​បាន​ប្រកាស​ថា អ្នក​ជំងឺ​ថ្មី​ខាងលើ​នេះ ស្នាក់​នៅ​ក្នុង​សណ្ឋាគារ​មួយ​ក្នុង​ទីក្រុង​ភ្នំ​ពេញ​ បន្ទាប់​ពី​បាន​ធ្វើ​ដំណើរ​ពី​ប្រទេស​បារាំង​ ឆ្លងកាត់​ប្រទេស​សឹង្ហបុរី​ មុន​ពេល​មក​ដល់​កម្ពុជា​នៅ​ថ្ងៃទី​25​តុលា​2020​។ បច្ចុប្បន្ន​ ស្ត្រី​អ្នកជំងឺ​នេះ​ កំពុង​ទទួល​ការ​ព្យាបាល​នៅ​មន្ទីរ​ពេទ្យ​មិត្ត​ភាព​ខ្មែរ​-សូវៀត​ នៅរាជ​ធានី​ភ្នំ​ពេញ​។

គិត​មក​ដល់​បច្ចុប្បន្ន កម្ពុជា​បាន​រកឃើញ​អ្នកផ្ទុកវីរុស​Covid-19 សរុប​288​នាក់​ ក្នុង​នោះ​មាន​283​នាក់បាន​ជា​សះស្បើយ​ និង​5​នាក់​ផ្សេង​ទៀត​កំពុង​សម្រាក​ព្យាបាលនៅ​មន្ទីរពេទ្យ​មិត្ត​ភាព​ខ្មែរ​-សូវៀត​ ដែល​ក្នុង​នោះ​ដែរ មាន​ជនជាតិ​ខ្មែរ2​នាក់ និង​បរទេស​3​នាក់​៕

 

Advertisement