កម្ពុជារកឃើញ​អ្នក​ឆ្លង ​Covid-19​ 1​ករណី​បន្ថែម​ទៀត​ ខណៈ​ពិភព​លោក​រក​ឃើញ​ 6,847​នាក់​

កម្ពុជារកឃើញអ្នកឆ្លង Covid-19 1ករណីបន្ថែមទៀត ខណៈពិភពលោករកឃើញ 6,847នាក់

ក្រសួងសុខាភិបាល នាព្រឹកថ្ងៃទី21វិច្ឆិកានេះ បានឱ្យដឹងថា កម្ពុជាបានរកឃើញអ្នកផ្ទុកវីរុសCovid-19 ចំនួន1ករណីបន្ថែមទៀត ដែលនេះបាននាំឱ្យតួលេខនៃអ្នកបានឆ្លងវីរុសនេះនៅកម្ពុជា ឡើងដល់305នាក់។

ករណីឆ្លងវីរុសថ្មីខាងលើនេះ បានកើតឡើងចំពោះបុរសជនជាតិខ្មែរ អាយុ59ឆ្នាំ មានអាសយដ្ឋាននៅសង្កាត់កំបូល ខណ្ឌកំបូល រាជធានីភ្នំពេញ។ អ្នកជំងឺនេះ បានធ្វើដំណើរពីសហរដ្ឋអាមេរិក ឆ្លងកាត់ទឹកដីកូរ៉េខាងត្បូង មុននឹងមកដល់កម្ពុជានៅថ្ងៃទី19វិច្ឆិកា។

Advertisement

បច្ចុប្បន្ន បុរសនេះកំពុងត្រូវបានដាក់ឱ្យសម្រាកព្យាបាលនៅមណ្ឌលសុខភាពចាក់អង្រែ ក្នុងទីក្រុងភ្នំពេញ។

ដោយឡែក អ្នកដំណើរ59នាក់ដែលបានរួមដំណើរក្នុងជើងយន្តហោះជាមួយនឹងអ្នកជំងឺខាងលើ ក៏កំពុងធ្វើចត្តាឡីស័ក14ថ្ងៃ ក្នុងនោះមានអ្នកខ្លះនៅមណ្ឌលទ័ពអាកាស ខ្លះនៅសណ្ឋាគារ និងខ្លះទៀតនៅស្ថានទូតសហរដ្ឋអាមេរិក។

គិតមកដល់បច្ចុប្បន្ន កម្ពុជាបានរកឃើញអ្នកឆ្លងវីរុសCovid-19 សរុប305នាក់ ក្នុងនោះមាន295នាក់បានជាសះស្បើយ​ និង​8​នាក់​កំពុង​ទទួលការព្យាបាល។

នៅទូទាំងពិភពលោក តួលេខអ្នកឆ្លងវីរុសCovid-19 សរុបឡើងដល់57,902,187នាក់ ក្នុងនោះមានអ្នកស្លាប់ ​សរុប​ចំនួន 1,377,527នាក់ និងអ្នកកំពុងសម្រាកព្យាបាលមានចំនួន16,422,376នាក់៕

 

 

Advertisement