ក្រសួងសុខាភិបាលកម្ពុជាបានប្រកាសថា មានករណីឆ្លង Covid-19 ថ្មីចំនួន 1 នាក់ទៀត នាំឱ្យតួលេខអ្នកវិជ្ជមាននឹងវីរុសនេះនៅកម្ពុជាកើនដល់ 392 នាក់។
ករណីវិជ្ជមានថ្មីនេះ កើតឡើងចំពោះស្ត្រីជនជាតិខ្មែរ អាយុ 23 ឆ្នាំ ស្នាក់នៅក្នុងស្រុកសង្កែ ខេត្តបាត់ដំបង ជាអ្នកដែលទើបតែបានត្រលប់មកពីប្រទេសថៃកាលពីថ្ងៃទី 8 មករា។ ព័ត៌មានបន្ថែមសូមអានក្នុងតារាងខាងក្រោម។
គិតមកដល់ព្រឹកថ្ងៃទី 11 ខែមករា ឆ្នាំ 2021 នេះ កម្ពុជាបានរកឃើញអ្នកឆ្លងវីរុស Covid-19 សរុបចំនួន 392 នាក់ ក្នុងនោះមានអ្នកជាសះស្បើយចំនួន 374 នាក់ និងអ្នកកំពុងព្យាបាលមានចំនួន 18 នាក់។
ពិភពលោកទើបតែបានរកឃើញអ្នកឆ្លងវីរុស Covid-19 ថ្មីចំនួនជាង 598,800 ករណី ធ្វើឱ្យតួលេខសរុបកើនដល់ជាង 90,662,900 នាក់ ក្នុងនោះមានអ្នកជំងឺជាង 1,942,300 នាក់បានស្លាប់ និងជាង 64,788,500 នាក់បានជាសះស្បើយ។ បច្ចុប្បន្ន ពិភពលោកនៅមានអ្នកជំងឺជាង 23,931,980 កំពុងព្យាបាល ក្នុងនោះមានជាង 108,000 នាក់កំពុងប្រឈមនឹងការស្លាប់ដោយសារអាការធ្ងន់ធ្ងន់៕
