ចំណេះដឹងល្អៗថ្មី 100 មុខសម្រាប់ស្រ្តីមេផ្ទះ

ខាងក្រោមនេះគឺជាចំណេះដឹងពាក់ព័ន្ធនឹងការមើលថែទាំផ្ទះសម្បែង របស់របរ និងកិច្ចការងារក្នុងចង្រ្កានជើងឆ្នាំងដែល ឡារ៉ែន សូមនាំយកមកជម្រាបជូនមិត្តអ្នកអាន ជាពិសេសបងៗដែលជាស្រ្តីមេផ្ទះ ព្រោះជួនកាលរឿងខ្លះយើងអាចនឹងមិនដឹងពីវិធីកែបញ្ហា ឬថែទាំទុកដាក់វាឱ្យប្រើប្រាស់បានយូរឡើយ បើចង់ដឹងថា តើមានអ្វីខ្លះនោះ សូមតាមដានដូចតទៅ។

1 . បើរោងឡាន ឬទីកន្លែងទុកដាក់របស់ប្រើប្រាស់ ឬសម្ភារជាងមានធំក្លិនអាប់មិនគួរឱ្យបេត្តីនោះ គ្មានអ្វីពិបាកទេ យើងអាចកម្ចាត់ក្លិនអាប់នោះចេញ ដោយគ្រាន់តែរោយស្មៅដែលទើបនឹងកាត់ថ្មីៗនៅលើកម្រាលបន្ទប់ ឬរោងឡាននោះ ហើយទុកចោលមួយរយៈ ដើមស្មៅទាំងនោះនឹងបឺតយកក្លិនអាប់ទាំងនោះចេញអស់មិនខាន។

Advertisement

2 . បើត្រូវការពូតសម្ងួតខោអាវ 1 – 2 កុំប្លេឱ្យកាន់តែឆាប់ស្ងួតលឿនឡើងនោះ បងៗស្រ្តីមេផ្ទះអាចធ្វើបានដោយការរកកន្សែងពោះគោស្អាតមួយដាក់ចូលទៅក្នុងម៉ាស៊ីនជាមួយខោអាវដែលចង់ពូតសម្អួតនោះ ព្រោះកន្សែងពោះគោនឹងជួយបឺតយកសំណើម ធ្វើឱ្យខោអាវនោះកាប់តែឆាប់ស្ងួតឡើងទៅទៀត។

3 . វិធីធ្វើឱ្យស៊ុំកញ្ចក់រូបថត ឬកញ្ចក់ឆ្លុះមុខមើលទៅឃើញថ្មីជាប់ជានិច្ចនោះ អាចធ្វើបានដោយការយកក្រណាត់ជ្រលក់ប្រេងស្រល់ ហើយលាបលើស៊ុំកញ្ចក់ដែលធ្វើអំពីឈើទាំងនោះ ហើយទុកឱ្យស្ងួតមែនទែន ស៊ុំកញ្ចក់ទាំងនោះនឹងមើលទៅឃើញថ្មីឡើងវិញភ្លាមជាមិនខាន។

4 . វិធីលាងស្នាមកខ្វក់នៅលើកែវចរណៃ អាចធ្វើបានយ៉ាងងាយៗ គឺរកសំបកផ្លែត្របែក មកដាក់ចូលទៅក្នុងកែវចរណៃដែលប្រឡាក់នោះ ត្រាំទឹកទុកចោលប្រមាណជា 2 – 3 ម៉ោង ហើយលាងសម្អាតដោយទឹកស្អាត ត្រឹមតែប៉ុណ្ណឹងកែវនឹងមើលទៅឃើញស្អាតភ្លឺថ្លាមិនខាន។

5 . វិធីសម្អាតឧបករណ៍ដែលធ្វើដោយស្ពាន់ឱ្យស្អាតភ្លឺរលោងឡើងវិញមិនមែនជារឿងពិបាកឡើយ បងៗស្រ្តីមេផ្ទះអាចធ្វើបានយ៉ាងងាយៗ គឺនាំយកមើមខ្ទឹមក្រហមមកស្ងោរក្នុងទឹកពុះ ហើយយកមកខាត់គ្រឿងស្ពាន់ទាំងនោះ ត្រឹមតែប៉ុណ្ណឹងគ្រឿងស្ពាន់ទាំងនោះនឹងថ្មីស្អាតហ្មត់ចត់ភ្លឺចាំងមិនខាន។

(នៅមានត)

Advertisement