ចំណេះដឹងល្អៗថ្មី 100 មុខសម្រាប់ស្រ្តីមេផ្ទះ (តពីលេខមុន)

6 . វិធីកម្ចាត់កំណកខ្លាញ់នៅក្នុងបំពង់លូអាងលាងចាន ដែលបើសិនជាទុកចោលយូរ វាអាចនឹងធ្វើឱ្យបំពង់លូនោះណែនស្ទះបាន ចំណែកវិធីសម្អាតនោះគឺ យកអំបឹល 2 – 3 ស្លាបព្រាដាក់ចូលទៅ បន្ទាប់មកយកម្សៅប៊ែកគីងសូដាមកដាក់ស្ងោជាមួយទឹកឱ្យពុះ ហើយចាក់ចូលទៅបំពង់លូដែលចង់សម្អាតនោះ កំណកខ្លាញ់ដែលណែនស្ទះនោះនឹងរបូតចេញអស់បាត់មិនខាន។

7 . វិធីកម្ចាត់ពពួកសត្វស្រមោច និងសត្វល្អិតតោងឡើងធុងសម្រាម យើងអាចធ្វើបានដោយងាយ ដោយគ្រាន់តែបន្តក់ទឹកអាម៉ូនីញ៉ាក់នៅក្បែរធុងសម្រាម​បន្តិច ក្លិនរបស់អាម៉ូនីញ៉ាក់នឹងធ្វើឱ្យស្រមោច និងសត្វល្អិតទាំងឡាយលែងហ៊ានមកជិតធុងសម្រាមទៀតហើយ។

Advertisement

8 . ការថែរក្សាឧបករណ៍ធ្វើចំការ ដូចជាកន្រ្តៃកាត់ស្មៅ ចបកាប់ ចបជីក ជាដើម មិនឱ្យច្រែះចាប់រហូតធ្លុះធ្លាយបាននោះ អាចធ្វើបានយ៉ាងងាយ ដោយគ្រាន់តែយកប្រេងវ៉ាស្ល៊ីនមកលាបលើលោហៈគ្រប់ពេលដែលប្រើប្រាស់វារួចជាការស្រេច។

9 . ការប្រើប្រាស់ចង្រ្កានហ្កាស់បែបសន្សំសំចៃ អាចធ្វើបានដោយការមួលសេរេឱ្យអណ្តាតភ្លើងឡើងពណ៌ខៀវជានិច្ច និងមិនគួរបើកភ្លើងហ្កាស់ឱ្យខ្ពស់លិចគូថឆ្នាំងឡើយ ព្រោះនឹងធ្វើឱ្យឆ្នាំងក្រក្តៅ គួរមួលសេរេឱ្យល្មមនឹងគូទឆ្នាំង ទើបជាការសន្សំសំចៃហ្កាស់។

10 . វិធីបំបាត់ក្លិនស្អុយរបស់ធុងសម្រាម មិនថាតែធុងសម្រាមមុខផ្ទះ ឬក្នុងផ្ទះនោះទេ បងៗស្រ្តីមេផ្ទះអាចធ្វើបានដោយការដាក់សំបកផ្លែក្រូចឆ្មារ ឬសំបកផ្លែក្រូចឃ្វិច ក្រូចពោធិ៍សត្វ ឬក្រូចថ្ុងក៏បាន ចូលទៅក្នុងធុងសម្រាមនោះ ក្លិនសំបកក្រូចទាំងនោះនឹងធ្វើឱ្យក្លិនស្អុយថយចុះ។

(នៅមានត)

Advertisement