ចំណេះដឹងល្អៗថ្មី 100 មុខសម្រាប់ស្រ្តីមេផ្ទះ (តពីលេខមុន)

26 . វិធីបកស្ទិកឃើរ៍ដែលបិទជាប់នៅលើជញ្ជាំងចេញដោយមិនបន្សល់ស្នាមកាវនៅលើជញ្ជាំងនោះគឺ យកប្រេងឆាមកលាបលើបន្ទះស្ទិកឃើរ៍នោះ រួចសឹមទាញបកចេញមកសន្សឹមៗ ជ័រកាវរបស់ស្ទិកឃើរ៍នឹងមិនមាននៅជាប់សេសសល់នៅលើជញ្ជាំងឡើយ។

27 . ការប្រើម៉ាស៊ីនបោកខោអាវបែបសន្សំសំចៃបំផុតនោះគឺ ក្នុងការបោកម្តងៗគួរបោកខោអាវក្នុងបរិមាណដែលច្រើនបំផុតហ្នឹងឯង។

Advertisement

28 . ការធ្វើឱ្យទូដាក់ខោអាវរបស់អ្នកក្រអូបដោយមិនចាំបាច់អស់លុយទិញប្រអប់ក្លិនមកដាក់នោះ គ្រាន់តែបងៗស្រ្តីមេផ្ទះយកដុំសាប៊ូដុសខ្លួនដែលនៅសល់តូចៗ និងលែងប្រើហើយនោះមកដាក់នៅក្នុងជ្រុងណាមួយនៅក្នុងទូ ក្លិនសាប៊ូនឹងក្រអូបពេញទូមិនខាន។

29 . វិធីសម្អាតភាជនៈអាលុយមីញ៉ូមឱ្យភ្លឺរលោងស្អាតដូចនៅថ្មីនោះគឺ យកសំបកផ្លែប៉ោមទៅស្ងោរ 2 – 3 នាទី ហើយយកទឹកនោះមកដុសខាត់ភាជនៈអាលុយមីញ៉ូមទាំងនោះ តែប៉ុណ្ណឹងភាជនៈទាំងអស់នោះនឹងឡើងភ្លឺរលោងចាំងដូចថ្មីមិនខាន។

30 . វិធីការប្រើចង្រ្កានដុតចំហុយម៉ៃក្រូវេហ្វឱ្យនៅថ្មីជានិច្ចនោះគឺ ក្រោយពីប្រើចង្រ្កាននោះរួចហើយ គួរជូតសម្អាតគ្រប់ពេល និងត្រូវធ្វើក្នុងខណៈដែលចង្រ្កានកំពុងនៅក្តៅឧណ្ហៗ ព្រោះវាងាយស្រួលជូតសម្អាតជាងពេលដែលវាត្រជាក់ទៅហើយហ្នឹងឯង។

(នៅមានត)

Advertisement