ប្រទេស​ចិន ទើបតែ​រកឃើញ «ខ្សាច់​ច្រៀង» លើកដំបូង​នៅ​ឆ្នេរសមុទ្រ

«ខ្សាច់ចម្រៀង» ស្ថិត​នៅតាមឆ្នេរនៃឈូងសមុទ្រ Clearwater របស់ឧបទ្វីប Shenzhou ក្នុង ខេត្តហៃណាន

ខ្សាច់​ច្រៀង ដែលជា​តំបន់​ខ្សាច់​បញ្ចេញ​សំឡេង​ដោយ​ធម្មជាតិ​នៅពេល​មាន​ខ្យល់​បក់ ត្រូវបាន​រកឃើញ​ជា​លើកដំបូង​នៅលើ​កោះ ហៃ​ណាន (Hainan) របស់ ប្រទេស​ចិន។

ក្រុម​អ្នកវិទ្យាសាស្ត្រ​បាន​រកឃើញ «ខ្សាច់​ចម្រៀង» ខាងលើ នៅតាម​ឆ្នេរ​នៃ​ឈូង​សមុទ្រ Clearwater របស់​ឧបទ្វីប Shenzhou និង​តំបន់​មួយចំនួនទៀត​នៅក្នុង ខេត្ត​ហៃ​ណាន នេះ​បើតាម​ការចុះផ្សាយ​របស់ Xinhua កាលពី​ថ្ងៃទី ២០ មិថុនា។ នេះ​គឺជា​លើកដំបូង​ហើយ​ដែល​បាតុភូត​សំឡេង​ខ្សាច់​ដ៏​ចម្លែក​នេះ​ត្រូវបាន​រកឃើញ​នៅឯ​ឆ្នេរសមុទ្រ​របស់ ប្រទេស​ចិន។

Advertisement

ខ្សាច់​ច្រៀង ខ្សាច​ហួច ឬ​ហៅថា​ខ្សាច់​កញ្ជ្រៀវ គឺជា​តំបន់​ខ្សាច់​នៅ​សមុទ្រ​ខ្សាច់ ឬ​ឆ្នេរសមុទ្រ​ដែល​អាច​បង្កើតជា​សំឡេង​ទៅតាម​ធម្មជាតិ​នៅក្នុង​ខ្យល់ ឬ​បញ្ចេញ​សំឡេង​ចម្លែក​នៅ​ពេល​មាន​មនុស្ស​ដើរ​ ឬ​ពីលើ​ ដោយសារ​តែមាន​ការរួម​ផ្សំ​រវាង​ចំណុច​ពិសេស​នៃ​រូបវិទ្យា ដូចជា​ទំហំ និង​សមាសធាតុ​របស់​ខ្សាច់​នៅ​ទីនោះ។

ខ្សាច់​ច្រៀង មាន​នៅលើ​តំបន់​ជាច្រើន​ក្នុង ប្រទេស​ចិន ក្នុងនោះ​មាន​ភ្នំខ្សាច់​ច្រៀង​នៅ Dunhuang ខេត្ត Gansu ជាដើម។

ការរកឃើញ​ឆ្នេរ​ខ្សាច់​ច្រៀង​នេះ នឹង​នាំមក​នូវ​ផលប្រយោជន៍​ច្រើន​សម្រាប់​សេដ្ឋកិច្ច ដោយសារ​ថា វា​នឹង​ទាក់ទាញ​ទេសចរ​មក​ទស្សនា​កាន់​តែ​ច្រើន៕

Advertisement