រន្ទះ​បាញ់ខ្នាត​យក្ស មិន​បាញ់​ចុះ​ក្រោម បែរជា​បាញ់​ត្រង់​ឡើងទៅ​ដល់​ជាយ​អវកាស

រន្ទះប្រភេទ gigantic jet ដែល​អ្នកវិទ្យាសាស្ត្រ​ថត​បាន​កាលពី​ឆ្នាំ ២០១៨

ផ្លេកបន្ទោរ​នៅ​ពីលើ​រដ្ឋ Oklahoma សហរដ្ឋ​អាម៉េរិក ដែល​ថត​បាន​កាលពី​ឆ្នាំ ២០១៨ គឺជា​រន្ទះ​មួយ​ក្នុងចំណោម​រន្ទះ​ដែល​កម្រ​កើតមាន និង​មាន​ថាមពល​ខ្លាំង​បំផុត​នៅលើ​ផែនដី។

នៅក្នុង​របាយការណ៍​ដែល​ត្រូវបាន​ប្រកាស​កាលពី​ថ្ងៃទី ០៣ សីហា លើ​ទស្សនាវដ្ដី Science Advances ក្រុម​អ្នកស្រាវជ្រាវ​បាន​វិភាគ​ទៅលើ​រន្ទះបាញ់​ខ្នាត​យក្ស​មួយ​ដែល​បាញ់​ពី​ពពក​នៅលើ​រដ្ឋ Oklahoma កាលពី​ឆ្នាំ ២០១។ រន្ទះ​ខ្នាត​យក្ស​នេះ​មិនបាន​បាញ់​ចុះមក​ដី ឬ​បាញ់​ពី​ពពក​មួយ​ទៅកាន់​ពពក​មួយ​នោះទេ ប៉ុន្តែ វា​បែរជា​បាញ់​ត្រង់​ឡើង​ទៅលើ កម្ពស់ ៨០ គីឡូម៉ែត្រ ជិត​ដល់​ជាយ​អវកាស។ រន្ទះ​បែបនេះ​ត្រូវបាន​គេ​ហៅថា gigantic jet ដែល​បញ្ចេញ​ថាមពល​ខ្លាំង​ជាង​ប្រហែល ៥០ ដង ធៀប​នឹង​រន្ទះ​ធម្មតា។

Advertisement

អ្នកវិទ្យាសាស្ត្រ​ម្នា​ក់នៅ Hawley រដ្ឋ Texas ថត​បាន​ផ្លេកបន្ទោរ​នេះ​នៅ​ថ្ងៃទី ១៤ ឧសភា ២០១៨។ ទិន្នន័យ​បង្ហាញថា ថ្វីបើ​មាន​ថាមពល​ខ្លាំង ប៉ុន្តែ​រន្ទះ​នេះ​មាន​កម្ដៅ​ប្រហែល​តែ ២០៤ អង្សា​សេ​ប៉ុណ្ណោះ។

ក្រុម​អ្នកវិទ្យាសាស្ត្រ មកដល់​បច្ចុប្បន្ន មិនទាន់​យល់ច្បាស់​អំពី​មូលហេតុ​ដែលនាំឱ្យ​រន្ទះបាញ់​ពីក្រោម​ឡើងទៅ​លើ​នៅឡើយ។ រន្ទះ​ប្រភេទ gigantic jet ភាគច្រើន​កើតមានឡើង​នៅក្នុង​ព្យុះ​ដែល​មិនមាន​រន្ទះ​ច្រើន៕

Advertisement