ឆ្នេរ​ខ្សាច់​កោះ​ដ៏ស្រស់​ស្អាត​ដែល​កកើត​ឡើងដោយ​សារ “​លាមក​” របស់​ត្រី​ Parrot (វីដេអូ)

ឆ្នេរ​ខ្សាច់​កោះ​ដ៏ស្រស់​ស្អាត​ដែល​កកើត​ឡើងដោយ​សារ

ឆ្នេរ​សមុទ្រ​ដ៏ស្រស់​ស្អាត​នៅ​លើ​កោះ​ Vakkaru បាន​កកើត​ឡើង​ដោយ​សារ​​លាមក​​ដ៏​ច្រើន​សន្ធឹក​របស់ពពួក​​ត្រី​​មួយ​ប្រភេទ​ដែល​មាន​ឈ្មោះ​ថា Parrot ក្រោយ​ពី​ពួក​វា​​ស៊ី​ផ្កាថ្ម​ និង​ជុះ​ខ្សាច់​ចេញ​មក​ក្រៅ​។

ប្រទេស​ Maldives មាន​ឈ្មោះ​ល្បី​ល្បាញ​ខ្លាំង​ដោយ​មាន​ឆ្នេរ​ខ្សាច់​ដ៏ស្រស់ស្អាត​​។​ ប៉ុន្តែ យ៉ាង​តិច​មាន​កោះ​ចំនួន​មួយ​ក្នុង​ចំណោម​កោះ​​ដ៏​ច្រើន​នៅ​ទីនេះ​ បាន​​កកើត​ឡើង​តាម​រយៈ​វិធី​ដ៏​មហា​កំពូល​ចម្លែក​។

Advertisement

ចំណុច​ពណ៌​ក្រហម​គឺជា​ទីតាំង​នៃ​ប្រទេស​ Maldives

ខ្សាច់​នៅ​លើ​កោះ​ Vakkaru របស់​ប្រទេស​ Maldives តាម​ពិត​គឺ​មាន​ផ្ទុក​ទៅ​ដោយ​លាមក​ត្រី​យ៉ាង​ច្រើន​មិន​គួរ​ឱ្យជឿ​។ ជាក់​ស្ដែង ខ្សាច់​នៅ​លើ​ឆ្នេរ​កោះ​ Vakkaru នេះ​គឺជា​កាក​សំណល់​លាមក​របស់​ត្រី Parrot​ ពីរ​ប្រភេទ​។ ត្រី​ Parrot មាន​ពណ៌​សម្បូរ​បែប​ និង​មាន​ប្រវែង​ប្រមាណ​ពី​ 0.3 ទៅ​ 1.2​ម៉ែត្រ។

ឆ្នេរ​ខ្សាច់​កោះ​ដ៏ស្រស់​ស្អាត​ដែល​កកើត​ឡើងដោយ​សារ "​លាមក​" របស់​ត្រី​​ត្រី​ Parrot ប្រើ​ប្រាស់​ធ្មេញ​ខាង​ក្រៅ​ដ៏​រឹង​មាំ​​ដើម្បី​ខាំ​​បំបែក​​​ផ្កា​ថ្ម​ និងស៊ីប៉ូលិប​របស់​​ផ្កា​ថ្ម​ (​Coral Polyps) រួម​នឹង​សារ៉ាយ​។ល។ ដោយ​សារ​តែ​មាន​ប្រព័ន្ធ​ធ្មេញ​មួយ​ផ្សេង​ទៀត​នៅក្នុង​បំពង់ក​របស់ពួក​វា​ បំណែក​ផ្កាថ្មដែល​វា​បាន​លេប​ចូល​ដល់​បំពង់ក​ ​​ក៏​ត្រូវ​បាន​ធ្មេញ​នៅ​ត្រង់​នោះ​ទំពាជា​​កម្ទេច​​ល្អិត​​ជាង​មុន​។ បន្ទាប់​មក​ ពួក​វា​ក៏​ជុះ​ចេញ​មក​ក្រៅ​​ក្រោម​រូប​ភាព​ជា​ខ្សាច់​។

ប្រការ​ខាង​លើ​នេះ​បាន​កើត​ឡើង​ក្នុង​ទំហំ​ច្រើន​ឡើង​ៗ និង​ឆ្លង​កាត់​ពេល​វេលា​ដ៏​យូរអង្វែង ខ្សាច់​ដែល​ជា​លាមក​របស់​ត្រី Parrot ក៏​បង្កើត​បាន​ជា​ឆ្នេរ​សមុទ្រ​ដ៏ស្រស់​ស្អាត​​នៅ​លើ​​​កោះ​ Vakkaru រហូត​មក​ដល់​សព្វ​ថ្ងៃ​។

ត្រី​ Parrot ដែល​មាន​ធ្មេញ​រឹង​មាំ អាច​ខាំ​កម្ទេច​ផ្កាថ្ម​ធ្វើ​ជា​ចំណី

ប្រភព​៖​ GeoBeats/Youtube

Advertisement