ដើម្បីអំណាចនិងទឹកដី ភេពីរក្រុម ​បាន​​ធ្វើ​សង្គ្រាម​នឹង​គ្នា​ជា​​ហូរ​ហែ​​អស់​រយៈ​ពេល​5​ឆ្នាំ​ ដោយ​​ប្រើ​ “ទ័ព​ជើង​ទឹក” និង​ទ័ព​ជើង​គោក”

(វីដេអូ) សត្វភេពីរក្រុម ធ្វើសង្គ្រាមនឹងគ្នា “មិនដាច់ស្រេច” អស់រយៈពេល5ឆ្នាំ ដើម្បីដណ្ដើមអំណាចនិងទឹកដី

ជាក់ស្ដែង តាមរយៈវីដេអូខាងក្រោមនេះទើបគេដឹងថា ភេក៏ជាសត្វមួយប្រភេទក្នុងចំណោមសត្វដែលមានមហិច្ឆតាខ្ពស់ក្នុងការដណ្ដើមគ្រប់គ្រងទឹកដី។

ថ្មីៗនេះ វីដេអូមួយដែលបង្ហាញអំពីសង្គ្រាមរវាងសត្វភេ2ក្រុមនៅតំបន់ Bishan បានធ្វើឱ្យអ្នកលេងអ៊ីនធើណិតរបស់ប្រទេសសិង្ហាបុរីមានការភ្ញាក់ផ្អើលខ្លាំង និងបានចែករំលែកតៗគ្នាអំពីវីដេអូដែលប្រកប់ដោយភាពកំប្លែង ប៉ុន្តែក៏បង្ហាញអំពីភាពក្លាហាន និងមហិច្ឆតាខ្ពស់ក្នុងការដណ្ដើមទឹកដីគ្នារបស់ពួកវា។

Advertisement

ការប្រយុទ្ធគ្នាដ៏ខ្លាំងក្លាដែលចាប់ផ្ដើមដោយការប្រើប្រាស់ “កងទ័ពជើងទឹក” និងរាលដាលដល់ “កងទ័ពជើងគោក” បានកើតឡើងកាលពីថ្ងៃទី29ខែមីនា រវាង1ក្រុមដែលមានគ្នា11ក្បាលមកពីតំបន់ Marina (ខាងឆ្វេង) និងភេ1ក្រុមទៀតដែលមានកូនចៅ15ក្បាលមកពីតំបន់ Bishan (ខាងស្ដាំ)។

(វីដេអូ) សត្វភេពីរក្រុម ធ្វើសង្គ្រាមនឹងគ្នា “មិនដាច់ស្រេច” អស់រយៈពេល5ឆ្នាំ ដើម្បីដណ្ដើមអំណាចនិងទឹកដីអ្នកដែលបានឃើញផ្ទាល់នឹងភ្នែក បានរៀបរាប់ថា ការប្រយុទ្ធគ្នានេះ អាចប្រៀបប្រដូចទៅនឹងការប្រយុទ្ធនៅក្នុងខ្សែភាពយន្ត Avenger Endgame៖ ប្រកបដោយភាពអស្ចារ្យ ជាមួយនឹងការបញ្ចេញអំណាច ការប្រើប្រាស់កម្លាំង ការខាតបង់ និងពោរពេញដោយឈាម រួមនឹងរបួសស្នាម ដែលធ្វើឱ្យទស្សនិកជនមានការភ្ញាក់ផ្អើល។

ថ្វីបើមិនបានប្រើប្រាស់អាវុធក្រៅខ្លួន ប៉ុន្តែ ការប្រយុទ្ធគ្នាដែលដំបូងឡើយបានចាប់ផ្ដើមនៅលើផ្ទៃទឹកនេះ ក៏បានរាលដាលដល់ដីគោក ដោយសារពួកគេមិនព្រមទទួលស្គាល់ការឈ្នះចាញ់។ សំណាងល្អណាស់ដែលក្រុមទាំង2មិនមានអ្នកបាត់បង់ជីវិត ប៉ុន្តែ ពួកគេក៏មានអ្នករងរបួសជាច្រើនករណីផងដែរ។

(វីដេអូ) សត្វភេពីរក្រុម ធ្វើសង្គ្រាមនឹងគ្នា “មិនដាច់ស្រេច” អស់រយៈពេល5ឆ្នាំ ដើម្បីដណ្ដើមអំណាចនិងទឹកដីក្រោយការប្រយុទ្ធគ្នាយ៉ាងកក្រើកមើឃរញ្ជួយដី ក្រុមសម្ព័ន្ធមិត្តដែលមានគ្នា11ក្បាល នៅដល់តែ6ក្បាលប៉ុណ្ណោះ ហើយគេក៏មិនបានដឹងថា ភេដែលបានបាត់ខ្លួននោះ ត្រូវបានចាប់ជាចំណាប់ខ្មាំង ឬត្រូវសម្លាប់នោះទេ។

សង្គ្រាមរវាងភេទាំងពីរក្រុមខាងលើនេះ បានចាប់ផ្ដើមកើតមានឡើងតាំងតែពីឆ្នាំ2015មកទៅ ហើយមូលហេតុនេះត្រូវបានគេជឿថា កើតឡើងដោយសារបញ្ហានៃការបែងចែកទឹកដី និងដណ្ដើមអំណាច ដើម្បីគ្រប់គ្រងធនធានដែលពួកវាត្រូវការចាំបាច់សម្រាប់ចិញ្ចឹមជីវិត៕

ប្រភព៖ Mothership

Advertisement