ទីតាំង​នៃ​បង្គោល​លោហធាតុ​​ដ៏​​អាថ៌​កំបាំង​​នៅ​កណ្ដាល​សមុទ្រ​ខ្សាច់ ត្រូវបាន​គេ​រកឃើញ​ហើយ!

ទីតាំង​នៃ​បង្គោល​លោហធាតុ​ដ៏​អាថ៌កំបាំង​នៅ​កណ្ដាល​សមុទ្រ​ខ្សាច់ ត្រូវបាន​គេ​រកឃើញ​ហើយ!
David Surber គឺជា​អ្នក​ដែល​បាន​ស្វែង​រកបង្គោល​លោហ​ធាតុ​ចម្លែក​នេះ​មុន​គេ​

ក្រុម​អ្នកជំនាញ​ផ្នែក​ស្វែងរក​ទីតាំង​នៅលើ​ប្រព័ន្ធ​អ៊ី​ន​ធើ​ណិ​ត បាន​រុក​រកឃើញ​ទីតាំងរ​បស់បង្គោល​លោហធាតុ​ដ៏​ចម្លែក​ដែល​ត្រូវបាន​គេ​ប្រទះឃើញ​នៅលើ​សមុទ្រ​ខ្សាច់​កាលពី​ប៉ុន្មាន​ថ្ងៃ​មុននេះ នាំឱ្យមាន​មនុស្ស​កាន់តែច្រើន នាំគ្នា​ធ្វើដំណើរ​ទៅកាន់​កន្លែងកើតហេតុ បើទោះជា​មានការ​ព្រមាន​អំពី​សុវត្ថិភាព​ពី​អាជ្ញាធរ។

នៅពេល​មាន​ព័ត៌មាន​ទាក់ទង​នឹង​បង្គោល​លោហធាតុ​ខាងលើ កាលពី​ថ្ងៃទី23វិច្ឆិកា ក្រុមមន្ត្រី​នៅ​រដ្ឋ Utah បាន​បដិសេធ​មិន​ប្រាប់​អំពី​ទីតាំងរ​បស់បង្គោល​នេះ​ទេ ដោយសារ​បារម្ភ​អំពី​សុវត្ថិភាព។

ប៉ុន្តែ ក្នុង​រយៈពេល​តែ48ម៉ោង ក្រោយពី​មាន​ព័ត៌មាន​ខាងលើ មនុស្ស​ដំបូង​គេ​បាន​រុករក​ឃើញ​ទីតាំងរ​បស់បង្គោល​នេះ ហើយក៏​បានមក​ដល់ទី​តាំង​នោះ​ផ្ទាល់​ដើម្បី​ពិនិត្យមើល បើទោះជា​មានការ​បារម្ភ​ថា គេ​អាច​វង្វេងផ្លូវ។ មកដល់​ថ្ងៃទី25វិច្ឆិកា នៅលើ Instagram គេ​ក៏​ឃើញ​មាន​រូបថត​ជាច្រើន​សន្លឹក បង្ហាញ​អំពី​ទិដ្ឋភាព​មនុស្ស​មួយចំនួន​ដែល​បាន​ទៅដល់​ទីតាំង​នៃ​បង្គោល​លោហធាតុ​នោះ។

ទីតាំងនៃបង្គោលលោហធាតុដ៏អាថ៌កំបាំងនៅកណ្ដាលសមុទ្រខ្សាច់ ត្រូវបានគេរកឃើញហើយ!អ្នក​ទាំងនេះ ទទួលបាន​ជំនួយ​ពី​ក្រុមអ្នកលេង​អ៊ី​ន​ធើ​ណិ​ត ដែលជា​ក្រុមមនុស្ស​បាន​ស្វែង​រកឃើញ​ទីតាំងរ​បស់បង្គោល តាមរយៈ​កម្មវិធី Google Earth។

សូម​រំលឹកថា ក្រុម​បុគ្គលិក​នៅ​អង្គភាព​សុវត្ថិភាព​សាធារណៈ​នៃ​រដ្ឋ Utah (DPS) សហរដ្ឋអាមេរិក កាលពី​ថ្ងៃទី18វិច្ឆិកា បាន​ប្រើប្រាស់​ឧទ្ធម្ភាគចក្រ​ជួយ​ដល់​នាយកដ្ឋាន​ការពារ​ធនធាន​សត្វព្រៃ ដើម្បី​រាប់​សត្វ​ចៀម​ស្នែង​ធំ​នៅលើ​សមុទ្រ​ខ្សាច់​ភាគ​អាគ្នេយ៍​របស់​រដ្ឋ​នេះ។ ពួកគេ​ស្រាប់តែ​បាន​ប្រទះឃើញ​វត្ថុ​មួយ​ដែល​ដូច​ទៅនឹង​ដុំថ្ម​អាថ៌កំបាំង​ដែលមាន​នៅក្នុង​ខ្សែភាពយន្ត​រឿង “2001: A Space Odyssey” ដែល​ផលិត​ឆ្នាំ1968។

អ្នកបើកបរ​ឧទ្ធម្ភាគចក្រ Bret Hutchings បាន​រៀបរាប់ថា៖ “អ្នកជំនាញ​ខាង​ជីវសាស្ត្រ​ម្នាក់​នៅក្នុង​ក្រុម​ហោះហើរ​បាន​ប្រទះឃើញ​វា នៅពេល​យើង​ហោះ​ពីលើ​វត្ថុ​នោះ។ គាត់​បាន​ស្រែក​ឡើង “អូ! អូ! ត្រលប់ក្រោយ!។ ខ្ញុំ​ក៏​សួរថា “ថី​ហ្នឹង?។ ហើយ​គាត់​ក៏​ប្រាប់ថា “ត្រលប់​ក្រោយសិនៗ មាន​អ្វី​នៅ​ខាងក្រោយ យើង​ត្រូវតែទៅ​មើល!។ វា​នៅ​ទីនោះ! នៅ​កណ្ដាល​ដុំថ្មធំៗពណ៌​ក្រហម គឺជា​បង្គោល​លោហធាតុ​ពណ៌​ប្រាក់ រលោក​ផ្លេក​ដែល​ផុស​ឡើង​ផុតពី​ដី។

Hutchings ប៉ាន់ប្រមាណ​ដឹងថា បង្គោល​លោហធាតុ​នោះ​មាន​កម្ពស់​ប្រហែល​ពី3-3.6ម៉ែត្រ ហើយ​វា​មិន​ដូច​ទៅនឹង​ករណី​ធ្លាក់​ពីលើ​អាកាស​នោះទេ វា​ទំនង​ជាមាន​អ្នក​យកមក​ដាំ៕

ប្រភព៖​ BBC

Advertisement