នំ​វ៉ាក់សាំង​មួយ​ប្រភេទ​ទទួល​បាន​ចំណាប់អារម្មណ៍​ច្រើន​នៅ​ហាង​មួយ​នៃ​ទីក្រុង Prague

ហាង​កាហ្វេ​ឈ្មោះ Black Madonna មាន​ទីតាំង​ស្ថិតនៅក្នុង​តំបន់​ប្រវត្តិសាស្ត្រ​របស់​រដ្ឋធានី Prague នៃ​សាធារណរដ្ឋ​ឆេ​ក កំពុង​លក់​នំ​ជាច្រើន​ប្រភេទ ក្នុងនោះ​មាន​ទាំង​នំ cake ដែលមាន​រូបរាង​ដូច​វីរុស Covid-19 និង​វ៉ាក់សាំង​ផងដែរ។

ហាង​ខាងលើនេះ ធ្លាប់ជា​កន្លែង​មួយ​ដែល​បាន​ឧទ្ទេសនាម​នំ cake ដែលមាន​រូបរាង​ដូច​វីរុស Corona កាលពី​រដូវ​ស្លឹកឈើ​ជ្រុះ​នា​ឆ្នាំ 2020។ បច្ចុប្បន្ន ហាង​នេះ​មាន​លក់ «ថ្នាំ​ព្យាបាល​ជំងឺ​ឃ្លាន» ដ៏​គួរឱ្យ​ចាប់អារម្មណ៍ នោះ​គឺ​បង្អែម​លាង​មាត់​ដែលមាន​រស់ជាតិ​ស្ត្រូ​បូរី និង​ចេក និង​មាន​រូបរាង​ជា​វ៉ាក់សាំង​គួរឱ្យ​ចង់​ទទួលទាន។

បង្អែម​នេះ​មាន​ឈ្មោះថា Vaccine Cake។ Olga Budnik ដែលជា​អ្នកធ្វើ​នំ​នេះ និយាយថា៖ «នេះ​គឺជា​បង្អែម​លាង​មាត់​ធ្វើ​អំពី​ស្រទាប់​នំ​ពង​ទា​ទន់​ស្ដើង និង​ស្នូល​ធ្វើ​អំពី​ស្ត្រូ​បូរី និង​ចេក»។

ចំណែក​អតិថិជន​ម្នាក់​មាន​ឈ្មោះថា Tatiana Rysko និយាយថា៖ «ខ្ញុំ​បាន​ទិញ​នំ​ទាំងពីរ​ប្រភេទ នោះ​គឺ វីរុស និង​វ៉ាក់សាំង។ ខ្ញុំ​បាន​ភ្លក់​នំ​វីរុស​ហើយ ខ្ញុំ​ចូលចិត្ត​វា​ណាស់។ ខ្ញុំ​ក៏​ចង់​ភ្លក់​នំ​វ៉ាក់សាំង​វិញ​ម្ដង ខ្ញុំ​កំពុង​រង់ចាំ»៕

ប្រភព៖ RT, Yahoo
ប្រែសម្រួល​៖ បុត្រា

Advertisement