ក្រុមប្រឹក្សាអភិវឌ្ឍន៍កម្ពុជា ចេញវិញ្ញបនបត្រឱ្យក្រុមហ៊ុនកសិកម្មមួយថ្មីទៀតនៅខេត្តកំពត ក្នុងទំហំទឹកប្រាក់ជាង 21លានដុល្លារ

ក្រុមប្រឹក្សាអភិវឌ្ឍន៍កម្ពុជា មុននេះបន្តិច​បានបញ្ជាក់ថា​ខ្លួនទើបនឹងចេញវិញ្ញាបនបត្រចុះបញ្ជីជាស្ថាពរនូវឱ្យក្រុមហ៊ុនឯកជនមួយ ដែលវិនិយោគលើវិស័យកសិកម្មនៅខេត្តកំពតក្នុងទំហំទឹកប្រាក់ 21.7លានដុល្លារ។

ក្រុមប្រឹក្សាអភិវឌ្ឍន៍កម្ពុជាបានបញ្ជាក់ថា តាមសំណើសុំវិនិយោគលើគម្រោងបង្កើតកសិដ្ឋានដាំដំណាំកសិ-ឧស្សាហកម្ម (ដូងប្រេង កៅស៊ូ និងល្ហុងប្រេង) របស់ក្រុមហ៊ុន VIRTUS GREEN PLANTATIONS (CAMBODIA) PTE., LTD។

គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុនខាងលើ ដែលមានទីតាំងវិនិយោគស្ថិតនៅតំបន់ប្រើប្រាស់ដោយចីរភាពនៃឧទ្យានជាតិព្រះមុនីវង្ស “បូកគោ” ស្រុកជុំគីរី និងស្រុកទឹកឈូ ខេត្តកំពត មានទុនវិនិយោគប្រមាណ 21.7លានដុល្លារអាមេរិក និងអាចបង្កើតការងារបានចំនួន 2,070កន្លែង៕

Advertisement