កម្ពុជាបិទជើងហោះហើរភ្នំពេញ ណារីតាបណ្តោះអាសន្នដើម្បីបង្ការជំងឺ Covid-19

មួយរយៈ​ពេល​ចុង​ក្រោយនេះ ចំនួន​អ្នកជំងឺ Covid-19 នៅ​កម្ពុជា​បាន​កើន​ឡើងជា​បន្តបន្ទាប់ ដោយ 100% នៃ​អ្នកជំងឺ​រលាក​សួត​ថ្មី​នេះ កើតឡើង​ចំពោះ​អ្នក​ដែល​ធ្វើដំណើរ​ពី​ក្រៅប្រទេស។ ហេតុនេះហើយ​ទើប​រាជរដ្ឋាភិបាល​កម្ពុ​ជា បានសម្រេច​ចាត់វិធានការ​នានា ដោយ​រួមទាំង​បិទ​ជើងហោះហើរ​ពី​តំបន់​មួយចំនួន​ដែល​ប្រឈម​ខ្លាំង​នឹង​ការឆ្លង​ជំងឺ Covid-19 ថែម​ទៀតផង។

នៅ​ថ្ងៃទី 5 ខែសីហា ឆ្នាំ2020 នេះ ស្ថាន​ឯកអគ្គរាជទូត​នៃ​ព្រះរាជាណាចក្រ​កម្ពុជា​ប្រចាំ​នៅ​ប្រទេស​ជប៉ុន បាន​បញ្ជាក់ថា ដោយសារ​ការរីក​រាល​ដាល​នៃ​ជំងឺ Covid-19 ក្រុមហ៊ុន​អាកាសចរណ៍ ALL NIPPON AIRWAYS (ANA) បាន​ផ្អាក​ជើងហោះហើរ ណា​រីតា-ភ្នំពេញ និង​ភ្នំពេញ-ណា​រីតា រហូតដល់​ថ្ងៃទី 30 ខែកញ្ញា​ឆ្នាំ2020។ ក្រុមហ៊ុន​នឹង​ប្រកាស​អំពី​ការហោះហើរ​ឡើងវិញ​នៅពេល​សមស្រប។

Advertisement

គួរ​បញ្ជាក់ថា កន្លងមក​កម្ពុជា​ក៏​ធ្លាប់បាន​ប្រកា​សបិទ​ជើងហោះហើរ​ពី​ប្រទេស​ម៉ា​លេ​ស៊ី និង​ឥណ្ឌូណេស៊ី​ផងដែរ ដើម្បី​ទប់ស្កាត់​កុំឱ្យ​មានការ​ឆ្លង​រីក​រាលដាល​ជំងឺ Covid-19៕

Advertisement