ទន្ទឹមនឹងគ្រប់គ្នាមើលឃើញពីឧបសគ្គ និងបញ្ហាដែលកើតឡើងដោយសារតែការរាតត្បាតជាសកលនៃជំងឺ Covid-19 មានអ្នកជំនាញមួយចំនួនបានមើលឃើញពីឱកាស និងវិធីសាស្ត្រស្តារស្ថានភាពឡើងវិញក្រោយពេលវិបត្តិនៃបានកើតឡើង។
បណ្ឌិត ចាន់ សុផល អ្នកជំនាញសេដ្ឋកិច្ចបានមើលឃើញថា Covid-19 អាចនាំមកនូវរបស់ថ្មីដែលល្អជាងមុនសម្រាប់ប្រជាន និងរដ្ឋ។ លោកថា របត់ថ្មីទី1 គឺ មនុស្សនឹងមានទម្លាប់អនាម័យល្អជាងមុន របត់ថ្មីទី2គឺ ចំណូលផ្ទាល់ខ្លួនឬចំណូលគ្រួសារថយចុះ នាំឱ្យមានការចាយវាយមិនខ្ជះខ្ជាយដូចមុន និងចំណុចទី3 គឺ ចំណូលថវិការដ្ឋថយចុះ នាំឱ្យចំណាយថវិការដ្ឋមិនខ្ជះខ្ជាយដូចមុន។ រដ្ឋអាចចំណាយថវិកាតិចជាងមុន ប៉ុន្តែបានប្រសិទ្ធផលដូចមុន ប្រសិនបើមានការកាត់បន្ថយការបាត់បង់ដែលបានទៅលើអ្នកមានស្តុកស្តម្ភរួចទៅហើយ។
លោកបានបញ្ជាក់ផងដែរថា ការបែងចែករបាយចំណូលប្រកបដោយសមធម៌ នឹងនាំឱ្យមានអំណោយផលមួយគឺ ប្រជាពលរដ្ឋច្រើនគ្នាមានលទ្ធភាពទិញផ្ទះ ដីធ្លី និងផលិតផល ដែលអ្នកមានស្តុកស្តម្ភជាអ្នកលក់។ ការរំពឹងលើបរទេសទិញដូចមុន ទំនងជាមិនប្រាកដនិយមទេ នៅក្នុងរបត់សេដ្ឋកិច្ចថ្មី៕