សម្រាប់អតិថិជនទី1 ដែលមានសំណាងទទួលបានរង្វាន់50លានរៀល ពីក្រុមហ៊ុនភេសជ្ជៈប៉ូវកម្លាំង ខារ៉ាបាវ ត្រូវបានទៅលើអ្នករស់នៅក្រុងបាវិត ខេត្តស្វាយរៀង ខណៈដែលអតិថិជនរូបនោះគ្រាន់តែទិញភេសជ្ជៈមកទទួលទានត្រឹមតែមួយកំប៉ុង ហើយពិនិត្យមើលក្រវិលកំប៉ុងក៏ឃើញរង្វាន់ធំតែម្ដង។ ជាមួយគ្នានេះ នៅក្នុងឱកាសប្រគល់ទឹកប្រាក់រង្វាន់ជូនដល់អ្នកមានសំណាងខាងលើនេះ ក្រុមហ៊ុនខារ៉ាបាវ ក៏បានឧបត្ថម្ភទឹកប្រាក់ចំនួន 5លានរៀលដល់អ្នកដែលលក់ជូនអតិថិជនណាដែលត្រូវរង្វាន់50 លានរៀលនេះដែរ រួមជាមួយការផ្តល់រង្វាន់លើកទឹកចិត្តដល់អ្នកដាក់តាំងលក់ស្អាតជាងគេនៅពេលដែលក្រុមការងារចុះទៅឃើញនូវចំនួនទឹកប្រាក់50ម៉ឺនរៀលផងដែរ ។
លោកអគ្គនាយកក្រុមហ៊ុនខារ៉ាបាវ បានថ្លែងប្រាប់បណ្តាអ្នកសារព័ត៌មានឱ្យដឹងថា ដោយសារក្រុមហ៊ុនធ្វើអាជីវកម្មនៅក្នុងប្រទេសកម្ពុជាអស់រយៈពេល13ឆ្នាំមកហើយនោះ ក្រុមហ៊ុនបានគិតឃើញថា ដើម្បីជាការតបស្នងដល់អតិថិជន ដែលគាំទ្រភេសជ្ជៈប៉ូវកម្លាំងខារ៉ាបាវ ក្រុមហ៊ុនក៏បានរៀបចំអោយមានរង្វាន់នៅក្នុងក្រវិលកំប៉ុង ក៏ដូចជានៅស្ទីកគ័រលើសម្បកកំប៉ុងជូនអតិថិជន ដើម្បីអោយជីវភាពអតិថិជនកាន់តែប្រសើរជាងមុនថែមទៀត ។ លោកបន្តថា រង្វាន់ទឹកប្រាក់ 50លានរៀល ដែលក្រុមហ៊ុនបានដាក់នៅលើក្រវិលកំប៉ុង ក៏ដូចជានៅស្ទីកគ័រលើសម្បកកំប៉ុងភេសជ្ជៈខារ៉ាបាវនេះ នៅមានច្រើនទៀត ហើយនេះទើបតែជាអតិថិជនទី1 ប៉ុណ្ណោះ ដែលមានសំណាងឈ្នះរង្វាន់ 50លានរៀលនេះ ដូចនេះ រង្វាន់ជាច្រើនទៀតនឹងរង់ចាំប្រជាពលរដ្ឋកម្ពុជា ដែលមានសំណាង។ ក្រៅពីរង្វាន់ 50លានរៀល ខារ៉ាបាវក៏បានដាក់រង្វាន់ផ្សេងទៀតដូចជាម៉ូតូ ទូរស័ព្ទ និងរង្វាន់ខារ៉ាបាវ ជាច្រើនកំប៉ុង សរុបជាទឹកប្រាក់ប្រមាណជាង 3ពាន់លានរៀល ។
លោក គុច ខេមរា អ្នកឈ្នះរង្វាន់50លានរៀលពីខារ៉ាបាវ បានអោយដឹងថា លោកពិតជាត្រូវរង្វាន់ពីភេសជ្ជៈខារ៉ាបាវនេះមែន ហើយវាមិនមែនជាការជួលអោយសម្ដែងនោះទេ ព្រោះទឹកប្រាក់នោះ ក្រុមហ៊ុនបានបញ្ចូលទៅក្នុងគណនីធនាគារ និងអាចចាយវាយបានផងដែរ ។ លោកបន្តថា កាលពីដំបូងលោកមិនគិតថាលោកបានទទួលរង្វាន់យ៉ាងច្រើនបែបនេះទេ ពេលនោះលោកមានអារម្មណ៍ថាស្រេកទឹក ហើយលោកក៏បានដើរសំដៅ ទៅតូបចាប់ហួយ រួចទិញភេសជ្ជៈខារ៉ាបាវមួយកំប៉ុង ពេលដែលលោកគាស់កំប៉ុងស្រាប់តែឃើញគេដាក់50លានរៀល និងលេខទូរសព្ទទំនាក់ទំនងនៅក្រវិលកំប៉ុង លោកក៏បានទាក់ទងសួរ ហើយអ្នកលើកទូរសព្ទប្រាប់ថាលោកបានឈ្នះ50លានរៀលមែន ពេលនោះ លោកពិតជារំភើបគ្មានអ្វីប្រៀបនោះទេ ។ លោកសូមផ្ដាំទៅអតិថិជនខារ៉ាបាវទាំងអស់សូមកុំភ្លេចមើលក្រវិលកំប៉ុង ក៏ដូចជាកោសនៅលើស្ទីកគ័រ ដែលមាននៅលើសម្បកកំប៉ុងនៅពេលទិញភេសជ្ជៈខារ៉ាបាវទទួល ព្រោះក្រុមហ៊ុនពិតជាបានចែករង្វាន់ពិតៗដល់អតិថិជនយ៉ាងពិតប្រាកដមែន ។
សូមបញ្ជាក់ផងដែរថា ក្រុមហ៊ុន ភេសជ្ជៈប៉ូវកម្លាំង ខារ៉ាបាវ នៅតែបន្តការចែកជូន និងផ្តល់សំណាងដល់អតិថិជនរបស់ខ្លួនជានិច្ច ដែលក្នុងនោះរួមមានទឹកប្រាក់ចំនួន 50 លានរៀល ចំនួន40រង្វាន់ , ម៉ូតូ HONDA Dream 125 ស៊េរីឆ្នាំ 2017 ចំនួន40រង្វាន់ , ទូរស័ព្ទដៃ iPhone7 ចំនួន40រង្វាន់ រួមជាមួយការផ្តល់ជូនរង្វាន់1កប៉ុង រាប់លានកំប៉ុង និងគ្មានការកំណត់កាលបរិច្ឆេទនោះទេ ។ អ្នកទទួលទានអាចមានសំណាងបានឈ្នះរង្វាន់ធំ , អ្នកលក់ឱ្យគេត្រូវរង្វាន់ធំនឹងមានសំណាងបានទទួលរង្វាន់5លានរៀល ដោយឡែកសម្រាប់អ្នកតាំងលក់ស្អាតជាងគេនៅពេលក្រុមការងារចុះទៅឃើញ នឹងទទួលបានប្រាក់រង្វាន់ចំនួន50ម៉ឺនរៀល ។ សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ ៕
